मिलेर एकताको माला उनौँ (मधेशमा बस्ने नेपालीलाई पत्र)

मिलेर एकताको माला उनौँ (मधेशमा बस्ने नेपालीलाई पत्र)
शोभा खतिवडा काफ्ले

शोभा खतिवडा काफ्ले

मिलेर एकताको माला उनौँ (मधेशमा बस्ने नेपालीलाई पत्र)

जन्मभूमिको जय जय गान गाएर देशको नै हरदम गरौँ सम्मान !

हे मधेशका नेपाली हामी मधेशलाई मात्र नदिऊँन है हामी ध्यान !!

राष्ट्रसेवाको यो महत्वपूर्ण कडिमा राष्ट्रिय एकता गरौँ है महान !

सिड्गो राष्ट्रको स्वाभिमान जोगाइ बनौ न हामी नेपाली महान !!१!!

 

मधेशमा बस्ने हरेक नेपालीलाई मनको मेरो हो यो बिन्ति पत्र !

देशले कसरी बोलायो बुझ न हात छातिमा तिमी आफैनै राखेर !!

देशको मान हो यो सगरमाथा पाहाड हो स्वाभिमान यो देशको !

मधेश हो हाम्रो छाती मुटुको राखौँ जोगाई हामी स्वस्थ अपूर्व !!२!!

 

मिलेर एकताको माला उनौ र देश बनाई इतिहासमा अमर बनौ !

देश त हिमाल पाहाड र तराई हैन सिड्गो देश तिम्रो हाम्रोनै भनौ !!

देश एकताको सुत्रमा बुन्ने र मिलेर यसको मान विश्वमा राख्ने !

यस्तो काम गरेर इतिहासमा अमर नाम तिमीले हो आफ्नो राख्ने !!३!!

 

मधेस मात्र तिम्रो हैन है बरु यो सिड्गो नेपाल पनि तिम्रो नै त हो !

हेर त फर्केर त्यो हृदयमा हिमाल र पाहाड तिम्रो मुटु नै पो त हो !!

आफ्नो यो मुटुलाई अलग्याउने शोच कसरी तिमीमा आएको हो !

देश अलग्याउने काम राम्रो हैन बरु देश जोड्ने काम तिम्रो नै हो !!४!!

 

हेर त उत्तरमा फर्की तिमी यो देश तिम्रो कति छ अपूर्व र सुन्दर !

झलमल उत्तरको हिमालमा पर्दछ झुल्कदो घाम यहाँ नै जगमग !!

दक्षिणमा फर्कि हेर त तराइका फाँट छन् कति टम्म अनि सम्म !

यस्तो प्यारो यो सुन्दर देशको स्वाभिमानी नेपाली बन्नु जहाँसम्म् !!५!!

 

कुनै स्वर्ग गए पनि कतै पाइन्न नेपाल जस्तो देशको सुन्दर धन !

कहिले कहाँ पो भेटिन्छन् पिडामा पनि हाँस्ने हाम्रा नेपाली मन !!

प्यारो र सानो सुन्दर हाम्रो देशमा मिलेर बनेको छ हिमाल पाहाड !

मधेशको छातिमा टेकेर यो देश खडा छ कसरी हाम्रो हिमाल !!६!!

 

यहि देशको मान तिमीले नराखे रहन्न मान कतै तिम्रो यो जगतमा !

भाइ र भाइ नै नमिले रहन्न कदापि देश प्राचिन लड्कालाई नै हेर !!

दम्भ र शेखिले रावणको त शक्ति भो क्षिण कसरी सकियो घमण्ड !

रामका दाजुभाइ मिल्दामा कहलियो राम राज्य इतिहासमा अपूर्व !!७!!

 

यो देश कति छ अपूर्व जता हेर्यो भूमि जलले अनि थलले छ सम्बृद्द !

बरु तिम्रा विवेकलाई पोखेर नै देश बनाऊ तिमीले हाम्रो नै यो स्वर्ग !!

कता के के बनाउनु छ अनि निर्माण के के गर्ने हो भन तिमी आफैँ नै !

मधेश; पाहाड र हाम्रो हिमाललाई बरु यातायातले हामी नै जोडौन् !!८!!

 

हार्नु हुन्न है जित्नु पर्छ हामीले मनको पनि युद्द अव यो देशमा पनि !

मधेसबाट न्यानो हावा आउनु पर्छ है हिमाली पाखा र पाहाडमा अनि !!

युद्द गरौँ हामी भिर पाखामा अनि उद्ध्योग धन्दा खोलौँ न युवाहरुलाई !

पानीमा शक्ति कति छ नापौँ खानीका कुरा मिलेर निकालौ हामीलाई !!९!!

शोभा खतिवडा काफ्ले लेखक, साहित्यकार, सामाजिक अभियन्ता तथा श्री शान्ति विद्यागृह उच्च मा. वि. लैनचौर; काठमाण्डौकी शिक्षिका हुनुहुन्छ । उहाँका राष्ट्रिय भावनाले ओतप्रोत भएका उत्कृष्ठ रचनाहरुले सच्चा देशभक्त नेपालीको मन जितेका छन ।

About Author

साइन्स इन्फोटेक

साइन्स इन्फोटेक अनलाईन पत्रिका हो ।

Write a Comment

Only registered users can comment.