गजल – थियो

गजल – थियो

जीर्ण तस्वीर निसानी थियो,
उही शैया उही सिरानी थियो ।।

जब म दुख्थें दुख्थ्यौ तिमी,
उस्तै उस्तै जिन्दगानी थियो ।।

हिडेथ्यौं धेरै परसम्म सँगै,
छुट्टै मजाको कहानी थियो ।।

कहिले जूनसँग निदाउँदा,
म सँग रात र विहानी थियो ।।

नसोध अतीतका यादहरु,
त्यही जीवन र जवानी थियो ।।

*कृष्ण प्रसाईं लेखक तथा साहित्यकार हुनुहुन्छ ।

About Author

साइन्स इन्फोटेक

साइन्स इन्फोटेक अनलाईन पत्रिका हो ।

Write a Comment

Only registered users can comment.