कतै हामीले भुल्यौँ कि त

 

शोभा खतिवडा काफ्ले
शोभा खतिवडा काफ्ले

कतै हामीले भुल्यौँ कि त

 

कतै स्वाभिमान नै हाम्रो हामी आफैँले नै पो भुल्यौँ कि त !

हाँमी को हौँ र के हौं भन्ने पनि आफैँले पो भुल्यौँ कि त !!

बीरताका हरेक ति गाथा र नालापानीको हाम्रो त्यो कथा !

ढुड्गामा पराइको शीर झुकाउने वीरहरु नै भुल्यौँ कि त !! १

 

आफ्नो मान राख्न पनि हामीहरु आफैँले पो जान्नुपर्छ !

आफुलाई नि हामी आफैले मिलेर सम्मान सँधै गर्नुपर्छ !!

आफुलाई आफुले माने पो अरुले पनि मान्दछन् त्यसरी !

मान उनको मात्र हैन तीन कोटिको नै गाँसिएको छ बेस्सरी !!२

 

उनको सम्मान हाम्रो सम्मान हो यी कुरा बुझौँ हामी यसरी !

उनको हाँसो उडाउँदा हामीनै पो हाँसोका पात्र हुन्छौ जसरी !!

यति प्यारो देश यो हाम्रो संसारको शिर झुक्छ यहाँ आउँदा !

हरेक नेपालीको मनमा च्वास्स गरि हाल्दछ यो कुरो आउँदा !! ३

 

उनी ब्यक्ति मात्र हैनन् है उनी त हुन एक राष्ट्र पनि हाम्री !

उनको अपमान कहिले हुन्न यो हाम्रो शोचाइ हो है गल्ति !!

हरेक स्वाभिमानी शिरले मनन गरौँ है अव सँधै सँधैनै यसरी !

नेपाली एक जुट हुन सकेमा पो बढ्छ सम्मान सँधैनै भरी !!४

 

हामीले कतै  जानि नजानि आफैँलाई गाली गर्यौँ कि त !

हाम्रो स्वाभिमानी शिरलाई अाफैले धारेहात लायौँ कि त !!

हाम्रो मान कहिले जाँदैन हामीले आफुले आफुलाई चिन्दा !

पराइले हेप्ने सवाल नै पो छैन हाम्रो शीर स्वाभिमानी हुँदा !!५

 

स्वाभिमानी आत्म निर्भरताको हाम्रो बाटो हामीले भुल्दा !!

आफुलाई नचिनेर नै पराइको सरण हरदमनै हामी पर्दा !

आफ्नै जन र आफ्नाहरुको एकैमत कहिले पनि नहुँदा !

यस्ता अवसरहरुले हामीलाई हरदम दुखाई नै रहन्छन् !!६

 

कुटनीतिक सेवामा बस्नुहुने हाम्रा हरेक प्रतिनिधिहरुलाई !

देशको स्वाभिमानको कथाको कुरा सँधै थाहा हुनुपर्दछ !!

राष्ट्रको स्वाभिमानमा दाग लाग्दा तिनको छाती दुखुनुपर्छ !

हरेक नेपालीको छाती भित्र पनि त्यस्तो पिडा दुख्नु नै पर्छ !!७

 

अव आत्मनिर्भरताको बाटो हामीले हामीलाई आफैँ खोजौँ !

संसारका हरेक मनको शिर सगरमाथामा ल्याएर झुकाऔँ !!

युवाहरुको ज्ञानलाई जल अनि थलमा अव पोख्न लगाएर !

हाम्रालाई हामी आफैँले सम्मान गर्नलाई हरपल नै लगाएर !!८

 

हाम्रो मान यो जगतले गर्छन है हामी यस्ता कर्म हरपलगरौँ !

हाम्रो यो शिर सगरमाथा हो यस्ता कुरा हामी मनन् गर्ने गरौँ !!

अपमान तिनको होला जस्ले हामीलाई अपमानगर्ने शोच्ला !

जगतको आँखामा बस्न पहिले देशको चौतर्फि विकास गरौँ !!९

 

शोभा खतिवडा काफ्ले लेखक, साहित्यकार, सामाजिक अभियन्ता तथा श्री शान्ति विद्यागृह उच्च मा. वि. लैनचौर; काठमाण्डौकी शिक्षिका हुनुहुन्छ । उहाँका राष्ट्रिय भावनाले ओतप्रोत भएका उत्कृष्ठ रचनाहरुले सच्चा देशभक्त नेपालीको मन जितेका छन ।

साइन्स इन्फोटेक

साइन्स इन्फोटेक अनलाईन पत्रिका हो ।

%d bloggers like this: