के हो जिन्दगी ?

Dhatamani Pokharel
धातामणि पोखरेल

उकाली र ओराली वा भिर पाखा हो जिन्दगी,
चैत्रमासको हुरीबतास वा बर्षे भेल जिन्दगी,
खबटाको छानो अनि वा ढलान छत जिन्दगी,
साँच्चै भनौं चिया पसल वा भट्टी हो जिन्दगी,

काठमाण्डौको प्रदुषण वा फोहोर हो कि जिन्दगी,
राजनेता वा सत्ता प्राप्ति खै कस्तो हो जिन्दगी,
नायक अनि खलनायक वा आईटम डान्स जिन्दगी,
आधुनिक र पाश्चात्यको फ्यूजन हो कि जिन्दगी,

राष्ट्रलाई बनाउने वा बिगार्ने हो जिन्दगी,
उपकारी हुने हो वा स्वार्थी मन हो जिन्दगी,
महत्वको जीवन हो वा व्यर्थ हो यो जिन्दगी,
आफू आफ्नो मात्र हो वा सबै पो हो जिन्दगी,

*धातामणि पोखरेल साहित्यकार हुनुहुन्छ।

साइन्स इन्फोटेक

साइन्स इन्फोटेक अनलाईन पत्रिका हो ।

%d bloggers like this: