Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

धनले मातेको हुन्छ धनी भने पैसा नभएर मातेको हुन्छ गरीव

डा. राम बहादुर बोहरा
डा. राम बहादुर बोहरा

मानिस सुबिधा भोगी हुन खोज्छ तर कालान्तरमा गएर उसले नपाएको दु:ख पाउन थाल्दछ । धनी ब्यक्ति दुखी छन्, शक्तिशाली ब्यक्ति दुःखी छन्, गरीव दुःखी छन् । यहाँ सुखी कोही छैन । थोरै सम्पत्ति छ तर मानिस अझ थप्दै जान थाल्दछ । जति-जति सम्पत्ति थपिदै जान थाल्दछ उति-उति लोभ र लालचले डेरा जमाउदै जान्छ । पैसाको कारण उसको दिमागमा वासना जाग्न थाल्दछ ।

मानिसलाई गलत बाटोमा लाग्ने पनि यहि पैसा रहेछ । मैले यस्ता अनेकौं व्यक्ति देखे जसको पासमा प्रशस्त पैसा छ उसैको सन्तान गलत बाटोमा लागेको छ । पैसामा यति ताकत छ भन्ने घमण्डकै कारण उसले अपराध गर्न थाल्छ । उ गलत माथि गलत गर्दै जान थाल्दछ । आज यौन दुराचारका जति घटना सामुन्ने आए सवै पैसावालाले गरेका आए ।

बदनाम गरीव होइन अमिर हुने गरेको हुन्छ । पैसाले इज्जत पाइने भए आज पैसाको खोलो बगाईदिने थिए । आज कोही पैसा भएर दु:खी छन् भने कोही पैसा नभएर दु:खी छन् । धनीको अपराध देखिएको हुदैन तर अपराधकै कारण उसको जीवन समाप्त भएको हुन्छ ।

हरेक दुःखपछि केही सुख आउने र हरेक सुखपछि केही दुःख हुने कुरा यथार्थ हो यसमा मेरो अनुभव छ । अध्यात्मिक ब्यक्तिहरुले सुख र दुःखलाई धेरै महत्व दिदैनन् । यो संसार नै यस्तै हो । सुख क्षणिक हुन्छ । जहाँ-जहाँबाट हामीले सुःख खोज्छौं त्यहीबाट दुःखको शुरु हुन्छ ।

आउनुस दु:ख होइन सुखको बाटो रोजौं क्षणिक सुखले दुखले दिन सक्छ यसतर्फ सजग रहौं । अध्यात्मिक ब्यक्तिहरुले सुख र दुःखलाई धेरै महत्व दिदैनन् । त्यही भएर उनीहरू धनी व्यक्ति भन्दा धेरै सुखी छन् । एउटा गरिब ब्यक्तिलाई जति मिठो निन्द्रा धनी व्यक्तिलाई नभएको हुन सक्छ । निदाउनको लागि उसलाई लागु पदार्थको साहेता लिनुपर्ने हुन सक्छ ।

हाम्रो जन्म किन भएको हो कसलाई थाहा थियो ? जन्मन्छु भनेर तर जन्म त भयो गलत क्रियाकलाप गर्नलाई पक्कै थिएन तर हामीले यो कुरा बुझ्न सकेनौ र आज हामी दरदरको ठोकर खादै हिडेका छौं । आफ्नो श्रीमती घर हुदाँहुदै परस्त्रीमाथि आँखा पुराएका हुन्छौं । जुन दिनदेखि हरेक महिला दिदी बहिनीलाई आफ्नै आमा दिदी बहिनी मान्न थाल्नेछौं त्यो दिनदेखि हामीले सहि दिशा पत्ता लगाउनेछौं र सहि मार्गमा हिड्नेछौं ।

आज अपराधको दुनियामा गरीव ब्यक्ति होइन धनी व्यक्ति नै लागेको हुन्छ । गलत गरीवले गर्न सक्ने सामर्थ्य हुदैन । देशमा अराजकता गतिविधिलाई भरण-पोषण गर्ने व्यक्ति नै पैसावाला हुन्छ । इमानदार पैसावाला कदापि हुन सक्दैन उसलाई पैसाले अन्धो बनाएको हुन्छ ।

Like & Follow us on Facebook

यो पनि पढ्नुहोस्

हामी नेपाली गरीव होइनौं धनी छौं

यी ४ राशि हुने मानिस सबैभन्दा धनी हुन्छन्

यी बानीले कहिल्यै धनी बन्न दिँदैनन्, हटाउनुहोस यस्ता बानी र बन्नुहोस् सम्पन्नशाली

यी ५ लक्षणहरु देखिएमा सम्झनुहोस तपाई चाडै धनी बन्नुहुनेछ

*डा. राम बहादुर बोहरा नेपाल वैकल्पिक चिकित्सा विकास परिषद नवलपरासीको अध्यक्ष, बरिष्ट आयुर्वेद डाक्टर तथा साइन्स इन्फोटेकका सल्लाहकार हुनुहुन्छ ।

कुमारवर्ती औषधालय

साइन्स इन्फोटेक

साइन्स इन्फोटेक अनलाईन पत्रिका हो ।

%d bloggers like this: