इन्टरनेट (Internet) भनेको के हो ?

Internet

इन्टरनेट सूचना प्रविधि अन्तर्गत विकास भएको एक बिश्वब्यापी सञ्जाल वा कम्प्युटरहरूको समूह हो जसमा विश्वभरिका कम्प्युटर र सोसँग सम्वन्धीत उपकरणहरू एक अर्कासँग सम्पर्कमा रही सूचनाहरू आदान प्रदान गर्न सक्छन । अर्को शब्दमा भन्नुपर्दा विश्वभर छरिएर रहेका एउटा निश्चित नियममा काम गर्ने तथा एकैखाले सुविधा प्रदान गर्ने विभिन्न सञ्जालहरूको समूह नै इन्टरनेटहो। इन्टरनेट कुनै व्यक्ति वा संस्थाको योजना बमोजिम शुरुवात भएको हैन । त्यस्तै इन्टरनेट कसैको नियन्त्रणमा पनि छैन। दुई वा दुईभन्दा बढी कम्प्युटरलाई आपसमा तार वा ताररहित माध्यमद्वारा जोडियो वा एउटा कम्प्युटरबाट अर्को कम्प्युटरमा रहेको डाटा वा प्रोग्रामलाई चलाउन सकियो भने त्यहाँ नेटवर्क भएको मान्नुपर्छ। नेटवर्क भनेको कम्प्युटरहरूबीचको सन्जाल हो । दुई वा दुईभन्दा बढी नेटवर्कहरू जोडिएर इन्टरनेटवर्क बन्दछ । इन्टरनेट इन्टरनेटवर्कको बहुचर्चित उदाहरण हो ।

इन्टरनेट जोडिएपछि हामी विभिन्न किसिमका ब्राउजर (Browser) को मद्दतले वेबसाइट (Website) हरू हेर्न सक्छौँ । Google Crome, Mozila Firefox, Internet explorer जस्ता कुनै पनि ब्राउजर खोलेर त्यसको Address Bar मा आफूले हेर्न चाहेको साइटको नाम लेखेर क्लिक गरेमा त्यो साइट हाम्रो ब्राउजरमा खुल्छ । इन्टरनेट खाता खोल्ने कुनै पनि इन्टरनेट सेवा दिन सक्ने कम्पनीमा निश्चित पैसा तिरेर इन्टरनेट खाता खोल्न सकिन्छ। सन् २००० को दशकदेखि सूचना प्रविधिको क्षेत्रमा बिश्वब्यापी रूपमा आएको क्रान्तिकारी परिवर्तनको पछाडि प्रमुख कारक तत्व इन्टरनेट नै रहेको छ । शुरुका दिनहरूमा इन्टरनेट सेवा पुरानो टेलिफोन र भू-उपग्रह प्रविधि मार्फत उपलब्ध थियो । इन्टरनेट सेवा एक विशेष तर सानो आकारबाट शुरु भएर हाल सञ्चार, मनोरञ्जन, शिक्षा, स्वास्थ्य आदि क्षेत्रहरूमा अभिन्न पक्षहको रूपमा प्रयोग हुदैछ । इन्टरनेट एक अपरिहार्य पूर्वाधारको रूप लिएको छ । कतिपय देशमा इन्टनेट सेवालाई मानवअधिकार कै रूपमा लिइन्छ ।

वाइम्याक्स (WiMAX) भनेको के हो ?

WiMAX

वाइम्याक्स (WiMAX-Worldwide Interoperability for Microwave Access) एक ताररहित सञ्चारको सुविधा वा माध्यम हो, जसले एक सेकेन्डमा ३० देखि ४० मेगाबिट डाटा ट्रान्सफर गर्न सक्दछ । वाइम्याक्स फोरम अपडेट गरेपछि यसबाट करीब १ जीबीको डाटा रेट पाउन सकिन्छ । वाइम्याक्सद्वारा सृजित उपकरण्हरू प्रयोग गरेपछि कुनै पनि ठाउँमा कुनै पनि समयमा द्रुत गतिको इन्टरनेट प्रयोग गर्न सकिन्छ । वाइम्याक्स सृजित उपकरणहरूमा ल्यापटप, मोबाइल, गेम डिभाइस आदि पर्छन् । साधारण अर्थमा भन्नुपर्दा वाइम्याक्स उच्चगतिको इन्टरनेट सेवा उपलब्ध गराउन प्रयोग गरिने ताररहित प्रविधि हो । अझ हामी सबैले बुझेको भाषामा भन्नुपर्दा वाइम्याक्स झन्डै वाइफाईजस्तै हो । तर, यसले ओगट्ने क्षेत्र ३० मीटरदेखि ५० किलोमीटर  भनेको वाइफाईभन्दा बढी हुन्छ ।

सर्वसाधारणले वाइम्याक्स चलाउनका लागि प्रयोग गर्ने युएसबी डिभाइसले २ किलोमिटरसम्म टाढाको सिग्नल टिप्छ। जसबाट राम्रो गतिमा इन्टरनेट चलाउन सकिन्छ।यो प्रविधिद्वारा ब्रोडब्यान्ड मोबाइल इन्टरनेट दिन सकिन्छ । डाटा आदानप्रदानमा वाइफाईजस्तै तरिका अपनाउने वाइम्याक्सले एउटा कम्प्युटरबाट अर्को कम्प्युटरमा रेडियो सिग्नल पठाउँछ । उच्चगतिको वाइफाईले ५४ एमबिपिएस डाटा रेट समर्थन गर्न सक्छ भने वाइम्याक्सले ७० एमबिपिएससम्मको स्पिडलाई धान्न सक्छ ।उच्च गुणस्तरको इन्टरनेट सेवा उपलब्ध गराउने प्रण गरेको नेपाल टेलिकमले वाइम्याक्स जडान गर्न इक्छुक ग्राहकहरूमा आफ्ना दक्ष प्राविधिकहरू पठाई जडान गर्दछ । राउटरको प्रयोग गरी एकै ठाउँमा वा एकभन्दा बढी उपकरणहरूमा एकैसाथ इन्टरनेट प्रयोग गर्न सकिने यो प्रविधि अबको समयमा निकै लाभदायक हुन सक्छ ।

वाइम्याक्स प्रविधि चलाउनलाई केही उपाय अपनाउनुपर्ने जरुरी हुन्छ । यसअनुसार वाइम्याक्स उपलब्ध गराउने आइएसपीहरूले ठाउँठाउँमा बेस स्टेशन राखेका हुन्छन् । यसैगरी वाइम्याक्स प्रयोग गर्ने घरमा आफ्नो कम्प्युटर अपग्रेड गर्नुपर्ने हुन्छ । यो प्रविधिमा आइएसपीले दिएको सुरक्षित कोडद्वारा बेस स्टेशनसँग जोडिन्छ । बेस स्टेशनले प्रयोगकर्ताको कम्प्युटरमा डाटा पठाउँछ । वाइम्याक्सको प्रयोग गरेर यसरी नै डाटाको साटासाट तथा इन्टरनेटको प्रयोग गरिन्छ । वाइम्याक्सका केही फाइदाहरूमा ठूलो क्षेत्रफल ओगट्नु, धेरै किसिमका उपकरणहरू सपोर्ट गर्नु, फोरजी डिभाइसहरूमा थोरै बजेटमा उच्चगतिको इन्टरनेट प्रयोग गर्न दिनु, एलटिई प्रविधिको उपयोग गर्नु पर्छन् । यस सेवामा नेपाल टेलिकमले ग्रामीण क्षेत्रमा कम्तीमा २५६ किलोविट प्रतिसेकेन्ड र शहरी क्षेत्रमा १ एबिपिएस डाटाको ग्यारेन्टी गरेको छ ।

वेब होस्टिङ (Web Hosting) भनेको के हो ?

Web Hosting

सामान्य अर्थमा भन्ने हो भने होस्टिङ भनेको इन्टरनेटको ढुकुटी हो । अनलाइनमा लेख्दा, फोटो पोस्ट गर्दा, भिडियो राख्दा ती सब कहाँ बस्छन् ? भन्ने खुल्दुली हामीलाई लाग्न सक्छ । यी सव कुराहरु राख्नका लागि इन्टरनेटमा किनिने ठाँउ या स्पेस नै वेब होस्टिङ सेवा हो । यसलाई हामी सजिलो भाषामा होस्ट गर्ने वा होस्टिङ भन्दछौँ । होस्टिङ बेच्ने धेरै कम्पनीहरु छन् । तपाईले आफ्नो आवश्यकताका आधारमा छानी छानी होस्टिङ किन्न सक्नुहुनेछ । होस्टिङ एमबि (MB), जिबि (GB), टिबि(TB) आदिमा नापिन्छ । यसरी यति स्पेस भनेर किनिने होस्टिङ लिमिटेड होस्टिङ स्पेस हो । तर सस्तो मुल्यमा अनलिमिटेड होस्टिङ स्पेस दिने कम्पनीहरु पनि छन् । सित्तैको होस्टिङमा हुने खराबी र कमजोरीका कारणले गर्दा हामीले वेब होस्टिंगको किन्नुपर्दछ ।

वर्डप्रेस र ब्लगस्पटले सामान्य ब्लग चलाउँनका लागि राम्रो सुविधा दिएका छन् । तर तपाईले यीनीहरुबाट ब्लग चलाउँदा आफ्नो ब्लगको नाममा यिनीहरुको नाम पनि जोड्नुपर्ने हुन्छ ।  सित्तैमा पाइने यस्ता ब्लगहरु तपाईले चाहे जस्तो बनाउँन सक्नुहुन्न । उनीहरुले तोकेको निश्चित परिधिमा भने तपाई बाँधिनुपर्ने हुन्छ । यसका अतिरिक्त तपाईले लेखेको र पोस्ट गरेका कुराहरु सँधै तपाईको नहुन सक्छन् । तपाईले थाहै नपाई ती कन्टेन्टहरु डिलिट गरिएको हुन सक्छ । तपाईको पुरै ब्लग डिलिट गर्ने अधिकार पनि उनीहरुमा हुन्छ । जम्मा यति एमबि कन्टेन्ट राख्न पाउँने वा यतिवटा फाइलमात्र राख्न पाउँने, ब्यान्डविथ यति जस्ता कुराले तपाईलाई खुलेर त्यसको प्रयोग गर्न दिदैन । कम ब्यान्डविथ भयो र तपाईको साइट धेरैले हेर्न थाले भने not found भन्न थालिहाल्छ । यसका अतिरिक्त तपाईले लेखेको र पोस्ट गरेका कुराहरु सँधै तपाईको नहुन सक्छन् ।

के हो स्मार्ट कार्ड ड्राइभिङ लाइसेन्स (Smart Card Driving License) ?

Smart Card Driving License

आजभोली नेपालमा स्मार्ट ड्राइभिङ लाइसेन्सको धेरै चर्चा-परिचर्चापनि चल्न थालेको छ । स्मार्ट लाइसेन्स क्रेडिट कार्ड साइजको विद्युतीय कार्ड हो । जुन पोलिकार्बोनेटबाट बनेकोले आगो र पानीले कुनै हानि पुर्‍याउन नसक्ने हुनाले टिकाउ, मजबुत र बोक्न सजिलो पनि छ । बैंकको एटीएमजस्तै हुने कार्डको बीचमा मोबाइलको सिमजस्तो सम्पूर्ण सूचना रहने चिप्स हुन्छ । यसमा देखिनेगरी चालकसँग सम्वन्धीत फोटोसहितका विवरणहरु राखिएका हुन्छन् । यसबाहेक यसमा सीमकार्डमा जस्तै धातुको चिप जडान गरिएको हुन्छ । जसमा चालक र सवारीसँग सम्वन्धीत डाटाहरु स्टोर गरिन्छ । त्यहाँका डाटालाई ट्राफिक प्रहरी र विभागका कर्मचारीले ‘स्मार्ट कार्ड रिडर’ प्रयोग गर्नेछन् ।

कुनै सवारी चालक ट्राफिक प्रहरीको कारवाहीमा परेमा त्यसैमा कारवाही भएको रकेर्ड राखिनेछ । यसमा विभिन्न सेक्युरेटी फिचरहरु पनि हुन्छन् । जसमार्फत विभाग र ट्राफिक प्रहरीले चालक र उसले चलाउने सवारीसम्मका विस्तृत विवरणहरु चाहेको बेला राख्न, झिक्न र हेर्न सक्छ । स्र्माट लाइसेन्सको चिपमा रहने डाटामा चालकको औँठाछाप र बायोमेटि्रक क्याप्चरसहित वास्तविक विवरणहरु पनि राखिनेछ । त्यसैकारण कसैले चोरी भएका वा भेटाएका लाईसेन्स प्रयोग गर्न सक्ने छैन । विद्युतीय प्रविधिको भएको हुनाले फर्जी र नक्कली लाईसेन्सलाई स्र्माट लाइसेन्सले विस्थापित गर्नेछ । स्मार्टकार्ड लागि अनलाइन फारम भर्ने व्यवस्था भएकाले यातायात कार्यालयमा हुने अनियमितता र दलाली संस्कृति पनि हट्न सक्छ ।

स्मार्ट कार्डको प्रक्रिया मेसिन रिडेबल पासपोर्ट (एमआरपी)को जस्तै हुनेछ । हस्ताक्षरमा समेत डिजिटल प्रविधि नै अपनाइन्छ । यसमा चालकको परिचयपत्र, सवारी नम्बरलगायत सवारी र चालक दुवैको सम्पूर्ण तथ्यांक हुनेछ । यसको प्रयोगसँगै ब्लु बुक र लाइसेन्स बोकेर हिँडने झन्झट हुने छैन । स्मार्ट कार्डको आयु १० वर्षको हुनेछ । यसका लागि यातायात व्यवस्था कार्यालयमै गएर मतदाता नामावली जस्तै गरी तस्बिर खिचाउनुपर्छ । औंठाछाप र र लेजर प्रविधिबाट हस्ताक्षर गर्नुपर्छ । आफ्ना सबै विवरण चालकले अनलाइनबाटै भर्न सक्छन् । तस्बिर खिचाउन, हस्ताक्षर र औंठाछापका लागि कार्यालयमा पुग्नुपर्नेछ ।

ई-वेस्टेज व्यवस्थापन ( E-Wastage Management ) भनेको के हो ?

E-Wastage Management

इलेक्ट्रिकल उपकरणहरू र तिनमा रहेका कम्पोनेन्टलाई नचलाई राखेको वा अनावश्यकरूपमै चलाई राखेको अवस्थामा विद्युत् खपत भइरहेको हुन्छ । विद्युतीय उपकरण चलिरहेको तर प्रयोग नभई रहेको अवस्थामा त्यसमा खर्चेको इनर्जी खेर गईरहनुको अवस्थालाई ‘ई वेस्टेज’ भनिन्छ। सामान्य भाषामा यसलाई विद्युतीय फोहोर पनि भनिन्छ । पुनःप्रयोग, रिसाइक्लिङ वा अपडेट गर्ननमिल्ने विद्युतीय उपकरण नै ‘ई-वेस्ट’ हो । यस्ता फोहोर बिजुली तथा विद्युतीय उपकरणको दुरूपयोग वा बेवास्ताबाट उत्पादन भएको देखिन्छ ।

नेपालमा ई-वेस्टेज व्यवस्थापन गर्ने कुनै ठाउँ जुटाउन मुस्किल छ । अहिले नेपालमा मोबाइल तथा इन्टरनेटमा जनताको पहुँच तीव्र हुँदै गएको छ । त्यसकारण पनि यसबाट उत्पादन हुने फोहोर व्यवस्थापनसम्बन्धी नीतिनियम बनाउनु अपरिहार्य भइसकेको छ । अन्य मुलुकले ई-वेस्टेज व्यवस्थापन कसरी गरिरहेका छन्, त्यसको विश्लेषण गर्नु जरुरी छ । त्यसपछि विभिन्न ‘स्टेकहोल्डर’देखि लिएर विद्युतीय उपकरण निर्माता कम्पनी, उपभोक्ता, वितरक, बिक्रेतालगायतसँग छलफल गरी नीतिनियम कार्यान्वयन गर्न शुरु गरिहाल्नुपर्छ । जतिजति विद्युतीय उपकरणको प्रयोग बढ्दै गएको छ त्यति नै मात्रामा यसको दुरूपयोग पनि बढेको छ। पुराना मोडलका उपकरण जसलाई कुनै पनि प्रकारले पुनः प्रयोग गर्ने मिल्दैन, तिनलाई त्यतिकै राखिएकै हुन्छ। त्यस्तो अवस्थामा पनि तिनले सिग्नल छोडी नै रहन्छन ।

घरबाट निस्कने फोहोरको जिम्मा त नगरपालिकाले लिन्छ र व्यवस्थित तवरले रिसाइकल पनि गर्छ । तर ई-वेस्टेजलाई कसरी व्यवस्थापन गर्ने र यसको जिम्मा कसले लिने? यसबारे सरकार आजका मितिसम्म मौन छ । ई-वेस्टेजलाई व्यवस्थित गर्नेबारे सरकारले कुनै नीतिनियम तयार पार्न सकेको छैन । अहिले नै ई वेस्टेजले नेपालमा जटिल समस्या निम्त्याएको छैन । तर निकट भविष्यमा यस्तो समस्या पक्कै देखिने छ । त्यसकारण पनि यसबारे आजैदेखि सरकार गम्भीर बन्नु जरुरी छ ।

फेसबुकमा छाएको हल्ला BFF को अर्थ के हो ?

facebook bff

हल्ला यस्तो छ

मार्क जुकरवर्गका अनुसार आफ्नो आइडी सुरक्षित छ कि छैन भनेर चेक गर्ने नयाँ फिचर थपेको छ । उक्त मेकानिजममा तपाईले कमेन्टमा BFF टाइप गर्दा हरियो हुँदै माथितिर गएको देख्नु भयो भने तपाईको फेसबुक अकाउन्ट सुरक्षित छ तर यदि देख्नु भएन भने तुरुन्तै आफ्नो पासवर्ड परिवर्तन गर्नुहोस तपाईको फेसबुक अकाउन्ट ह्याक हुने तर्खरमा छ भन्ने कुरा जताततै फेसबुकमा फैलिएको छ

BFF को अर्थ के हो ?

धेरैले हरियो नभए फेसबुक ह्याक हुने हल्ला समेत स्टेटसमा लेखेका छन् । उनीहरुले हवाला दिँदा मार्क जुकरवर्गले बताएको लेख्न समेत भ्याएका छन् । तर, फेसबुकमा हुने परिवर्तनलाई सदैव मार्कले आफ्नो आधिकारीक फेसबुकबाट मात्र सार्वजनिक गर्ने गरेका छन् । यी सबै हल्लाहरु मात्र हुन् ।

यो विषयमा मार्कले कुनै औपचारिक कार्यक्रममा बोलेका पनि छैनन् । यो हल्ला मात्र भएको कुरामा सबै विश्वस्त हुनुपर्छ । फेसबुकको आधिकारिक निकायले समेत यस विषयमा कुनै धारणा सार्वजनिक गरेको छैन । यो शुरुमा अंग्रेजीमा चलेको हल्लालाई कसैले अनुवाद गरेको र त्यही पोष्ट भएपछि नेपालीमा समेत फेसबुकमा हल्ला चलेको देखिन्छ ।

सामान्यतया फेसबुकमा Congrats वा Congratulation टाइप गर्दा पनि कमेन्टको कलर चेन्ज हुन्छ । त्यसै गरी BFF टाइप गर्दा पनि चेन्ज हुन्छ । यस्तो केही देशमा मात्र बनाइएको छ । तर, यही विषयमा मानिसहरु हल्लाका पछि दौडिएका छन् ।

अहिले हल्लामा रहेको BFF को अर्थ बेस्ट फ्रेन्ड फरेभर (Best Friends Forever) जसको एनिमेसन फेसबुकले तयार पारेको छ । एनिमेसनमा दुई हातले हाइ फाइभ गरेको देखिन्छ। तर, नेपालमा यसको गलत हल्ला छ । गलतका पछि लाग्नेहरुको भिड पनि ठूलै छ । यो हुँदा त्यसको अर्थ तपाईँको फेसबुकको पासवर्ड सुरक्षित नभएको भन्ने हुँदै होइन ।

कतिपय मेडियाले त आफ्नो फेसबुक पेज र वेबसाइटको भिजिटेसन बढाउँन समेत यस्तो हल्ला गरेको पाईयो । यस्ता अनावश्यक कुरामा विश्वास नगरी हल्लाको पछाडी नलागी स्वयं आफै सामाजिक संजाल प्रयोगकर्ता समेत संचेत हुनु जरुरी छ । यस्ता हल्लाका पछि नलाग्न सवैलाई अनुरोध छ ।

को हुन् सोफिया रोबोट ?

Sophia Robot

हङकङको प्रशिद्ध कम्पनी ह्यान्सन रोबोटिक्सले मानवसँग मिल्दोजुल्दो रोबोटका रुपमा सोफियाको विकास गरेको हो । उनलाई अप्रिल १५, २०१५ मा एक्टिभेट गरिएको थियो । उनलाई सन् २०१७ मा साउदी सरकारले महिलाको रुपमा नागरिकता दिएको थियो । मावनको रुपमा नागरिकता पाउने उनी पहिलो रोबोट हुन् ।

सन् २०१७ को नोभेम्बरमा सोफिया संयुक्त राष्ट्रसंघीय विकास कार्यक्रम (यूनएडीपी) को ‘आविष्कार बिजेता’ घोषित भएकी थिइन् । साउदी सरकारले नागरिकता दिएपछि सोफियाको चौतर्फी चर्चा भएको थियो । लगत्तै, सोफिया विश्वभर हुने विभिन्न सम्मेलन र कार्यक्रममा सहभागी हुँदै आएकी छन् ।

रोबोटमा प्रयोग भएको क्यामेरा र आवाज चिन्न सक्ने क्षमताका कारण सोफियाले मानिसको आवाज पहिचान गर्न सक्छिन् । सोफियालाई गुगलको प्यारेन्ट कम्पनी अल्फाबेटले आवाज पहिचान गर्ने प्रणाली विकास गरेको हो भने सिंगुलारिटी नेटले उनको मस्तिष्क विकास गरेको हो । उनको अनुहार अभिनेत्री एन्ड्रे हेपबर्नसँग मिल्दोजुल्दो बनाइएको छ ।

उनले गुगल क्रोम भ्वाइस रिकगिनसनमार्फत उत्तर दिने गर्छिन् । सोफियाले अनुहारमा ६२ प्रकारका भावहरु प्रदर्शन गर्न सक्छिन् ।  कुनै पनि प्रश्नको विश्लेषणात्मक जवाफ दिन सक्ने क्षमता उनको छ । उनले धेरै हाइप्रोफाइल इन्टरभ्यूहरु दिइसकेकी छिन् । यद्यपि सोफियाले दिने धेरै मन्तव्यहरु एकप्रकारले ‘स्क्रिप्टेढ’ भएको विश्वास गरिन्छ ।

सोफियाको विकास गर्ने वैज्ञानिक डेभिड हान्सोनका अनुसार उनले आर्टिफिसियल इन्टलिजेन्स, भिजुअल डाटा प्रोसेसिङ र फेसियल रिकोग्निसन प्रयोग गर्छिन् । उनले मानिसहरुको भावभंगिमाका नक्कल पनि गर्छिन् । सफ्टवेयरको सहयोगले सोफियाले निश्चित प्रश्नहरुको जवाफ दिन्छिन् र पूर्वनिर्धारित विषय -जस्तै-मौसम) मा सामान्य वार्तालाप गर्छिन् । उनले उत्तर दिएको सुन्दा प्रश्नहरु बुझेको जस्तो लाग्छ ।

सोफियाको आँखामा क्यामेरा फिट गरिएको छ जसले उनी एकपटक देखेका मानिसहरुलाई पहिचान गर्न सक्छिन् । सन् २०१८ को जनवरीमा सोफियामा हिँडडुल गर्न सक्ने खुट्टाको विकास गरिएको छ । डेभिड हान्सोनले सोफियालाई भविश्यमा स्वास्थ्य सेवा, ग्राहक सेवा, थेरापी र शिक्षामा प्रयोग गर्न सकिने बताएका छन् ।

फेसबुकवाट करोडौं प्रयोगकर्ताको डाटा चोरी

data stolen from facebook

एजेन्सी, ६ चैत । फेसबुकवाट करोडौं प्रयोगकर्ताको डाटा चोरी भएको आशंका गरिएको छ । यो खबर सार्वजनिक भएपछि सामाजिक सन्जाल फेसबुकको शेयरमा तीव्र गिरावट आएको छ । न्यूयोर्क स्टक एक्सचेन्जमा यस खबरको ठूलो असर पर्‍यो र फेसबुकको शेयर कारोबारमा करिब आठ प्रतिशतले गिरावट आयो । यद्यपि केही सम्हालिँ दै सात प्रतिशतले गिरावटसहित शेयर कारोबार बन्द भयो ।

सन् २०१६ मा अमेरिकी राष्ट्रपति निर्वाचमा डोनाल्ड ट्रम्पलाई मद्दत गर्ने कम्पनी क्याम्ब्रिज एनालिटिकलले फेसबुकका ५ करोडभन्दा बढी प्रयोगकर्ताको निजी जानकारी चोरेको आरोप सार्वजनिक भएको हो । फेसबुकले यी आरोपको व्यापक अनुसन्धान गर्ने प्रतिवद्धता जनाएको छ । अनुसन्धानका लागि क्याम्ब्रिज एनालिटिकललाई निलम्वन गरिएको छ ।

अमेरिका र कयौं युरोपीय देशका सरकारले यस खबरप्रति गम्भीर सवाल उठाएका छन् । ब्रिटेनका प्रधानमन्त्री टेरीजा मेका प्रवक्ताले यस आरोपलाई निकै गम्भीर भनेका छन् । अमेरिकी सांसदहरुले पनि प्रयोगकर्ताको डाटा चोरी भएकोप्रति चिन्ता व्यक्त गरेको छ र फेसबुकलाई उचित कदम चाल्न भनेको छ ।

काठमाडौँमा अत्याधुनिक सुविधा सहितको होस्टेल खुल्यो

BHB Hostel

काठमाडौँको पुरानो बानेश्वरस्थित भीमसेनगोलामा अत्याधुनिक सुविधा सहितको ब्ल्यू हिभन ब्वाईज होस्टेल खुलेको छ । मदन घिमिरे र निर्मला काफ्लेले संचालन गरेको उक्त होस्टेल सस्तो, सुबिधायुक्त र काठमाडौँको केन्द्रबिन्दुमा रहेको छ ।

गुणस्तरीय खाना, सुबिधायुक्त कोठाहरु, शान्त वातावरण, उत्तम मूल्य, टेलिभिजन, नि:शुल्क इन्टरनेट, २४ घण्टा नै पानी र लुगाधुने मेसिनको समेत सुविधाहरु रहेका छन् । 

थप जानकारीको लागि तलको नम्बरमा सम्पर्क गर्नुहोला । 

ब्ल्यू हिभन ब्वाईज होस्टेल

मदन घिमिरे

मोबाइल : ९८४९-६५४७६५

पुरानो बानेश्वर, भीमसेनगोला

महिला उद्यमशिलता विकास कोषबाट कर्जा प्रबाहको लागि प्रस्ताब आव्हानको सूचना

DCSI

नेपाल सरकार

उदधोग मन्त्रालय

घरेलु तथा साना उद्योग बिभाग

त्रिपुरेश्वर, काठमाडौँ

महिला उद्यमशिलता विकास कोषबाट कर्जा प्रबाहको लागि प्रस्ताब आव्हानको सूचना

महिला उद्यमशिलता विकास कोष (संचालन) कार्यविधि, २०६९ (दोस्रो संसोधन सहित) बमोजिम प्रचलित कानून बमोजिम महिला उद्यमीको नाममा दर्ता भई कम्तिमा १ बर्ष संचालन भएका उदधोग ब्यबसायलाई सरल र सहज ढंगले परियोजनाको कुल लागत भन्दा बढी नहुने परियोजना धितोमा कर्जा उपलव्ध गराउने कार्यक्रम संचालनमा रहेको छ । महिला उद्यमशिलता विकास कोष केन्द्रीय कोष संचालन तथा ब्यबस्थापन समितिको मिति २०७४/०७/१७ र नेपाल सरकार (मा.मन्त्रीस्तर) को मिति २०७४/10/०८ को निर्णयानुसार देशका सवै (७७) जिल्लाहरुमा यो कार्यक्रम विस्तार भएको छ । सूचना प्रकाशन भएको मितिले ३० (तीस) दिनभित्र देहाय बमोजिमका कागजातहरु संलग्न राखी सम्वन्धित जिल्लास्थित घरेलु तथा साना उद्योग/समितिका कार्यालय (नवलपरासी बर्दघाट सुस्ता पूर्व र पश्चिम दुवैको हकमा घरेलु तथा साना उद्योग कार्यालय, रामग्राम तथा रुकुम पूर्वी भाग र पश्चिम भाग दुवैको हकमा घरेलु तथा साना उद्योग विकास समितिको कार्यालय, मुसिकोट) मा उक्त कार्यविधिको अनुसूची (३) बमोजिमको ढाँचामा कर्जा मागको प्रस्ताव दर्ता गर्न सम्वन्धित सवैको जानकारीको लागि यो सूचना प्रकाशित गरिएको छ । साथै सम्वन्धित कार्यालयहरुले म्यादभित्र प्राप्त भएका रितपूर्वकका प्रस्तावहरुको प्रारम्भिक परिक्षण गरी सिफारिस सहित यथाशिघ्र यस विभागमा पेश गर्नुपर्नेछ ।

कर्जा रकम सम्वन्धित जिल्लास्थित राष्ट्रिय बाणिज्य बैंकको शाखा कार्यालयवाट परिचालन हुनेछ । कर्जाको अधिकतम सीमा रु. ५ लाखसम्म हुनेछ । कर्जाको ब्याजदर बार्षिक ६ प्रतिशत हुनेछ । कर्जा प्रबाह भएको मितिले ३ बर्ष भित्रमा सावाँ र ब्याज भुक्तानी गरिसक्नु पर्नेछ । निर्धारित समयभित्र सावाँ ब्याज भुक्तानी गरेमा त्यस्ता महिला उद्यमीलाई कर्जाको ब्याजमा १ प्रतिशत रकम छुट दिइनेछ । कार्यविधिको अनुसूची ३ बमोजिमको कर्जा मागको निवेदनको ढाँचा सम्वन्धित जिल्लास्थित घरेलु तथा साना उद्योग कार्यालय/समितिका कार्यालयहरुमा साथै यस विभागको वेभसाइट  http://www.dcsi.gov.np वाट समेत प्राप्त गर्न सकिनेछ । पुरुष साझेदार रहेका उद्योग व्यवसाय वा मदिरा, प्लाष्टिक झोला र सुर्तीजन्य बस्तु उत्पादन गर्ने उद्योग व्यवसायलाई यस कार्यालयवाट ऋण प्रबाह गरिने छैन । साथै म्याद नाघी आएका वा रित नपुगी पेश भएका प्रस्तावहरुलाई छनौट प्रक्रियामा समावेश गरिने छैन । बढी रोजगारी सिर्जना हुने, कृषि र बन्यजन्तु कच्चा पदार्थमा आधारित र उत्पादनमूलक उद्योगहरुलाई विशेष प्राथमिकता दिइनेछ । पेश भएका प्रस्ताव स्वीकृत गर्ने वा नगर्ने वा आंशिक रुपमा स्वीकृत गर्ने सम्पूर्ण अधिकार केन्द्रित कोष संचालन तथा व्यवस्थापन समिति निहित रहनेछ ।

पुनश्च: यसभन्दा अघि कर्जा स्वीकृत भई लिन बाँकी रहेका उद्यमीहरुको उद्योग व्यवसाय संचालनमा रहेको ब्यहोरा सम्वन्धित कार्यालयको स्थलगत अनुगमनवाट सिफारिस भई आएमा चालु आ.व. २०७४/०७५ आषाढ मसान्तसम्म कर्जा प्रबाह हुने व्यवस्था मिलाइएको छ ।

निवेदन साथ संलग्न गर्नुपर्ने कागजातहरु

प्रस्ताव छनौटका आधारहरु
(क) कार्यबिधिको अनुसूची ३ बमोजिमको ढाँचाको निवेदन साथ उद्यम वा व्यवसायको विवरण (क) स्थानीय स्रोत साधनको उपयोग – बढीमा २० अंक
(ख) कर्जा लगानी प्रस्तावित उदधोग व्यवसायको योजना (स्कीम), (ख) सम्वन्धित विषयमा तालिम प्राप्त उद्यमी – बढीमा १० अंक
(ग) कर्जा लगानी गर्न माग गरेको रकम, (ग) कृषिमा आधारित राष्ट्रिय प्राथमिकता प्राप्त उदधोग –   बढीमा २० अंक
(घ) नागरिकताको प्रमाणपत्रको प्रतिलिपी, (घ) दण्डपिडित अपांग, एकल महिला, सीमान्तकृत, अल्पसंख्यक बर्गको उद्यमी/कामदार भएमा (प्रमाण पेश गर्ने)
(ङ) कर्जा लिन चाहेको उदधोगको दर्ता (नवीकरण सहितको) प्रमाणपत्रको प्रतिलिपी (ङ) दीगोपना (वित्तीय र पूर्वाधार) – बढीमा १० अंक
(च) आयकर/मूअक (VAT/PAN) दर्ता प्रमाणपत्रको प्रतिलिपी (च) रोजगारी सिर्जना (संख्या) – बढीमा १० अंक
(छ) प्रस्तावित उद्यमको कुल पुँजी र यस सुचनाको प्रयोजनको लागि उद्यमीले माग गरेको कर्जा रकम खुलाई उद्यमी आवद्ध रहेको छाता संस्थाको सिफारिस

(छ) प्रदुषण नियन्त्रण- बढीमा १० अंक

थप जानकारीको लागि 
नेपाल सरकार
उदधोग मन्त्रालय
घरेलु तथा साना उद्योग बिभाग
त्रिपुरेश्वर, काठमाडौँ
फोन.: ४२५९८४२, ४२५९८४६, ४२५९८५५, ४२५९८७५
फ्याक्स.: ४२५९७४७
पोस्ट बक्स .: १०७०१
इमेल : info@dcsi.gov.np
वेभसाइट : http://www.dcsi.gov.np