हराएको एन्ड्रोइड फोन यसरी पत्ता लगाउनुहोस्

एन्ड्रोइड फोन

हराएको एन्ड्रोइड फोन यसरी पत्ता लगाउनुहोस् । मोबाइल फोन सधैं आफूसँग सुरक्षित रहन्छ भन्ने छैन । हामी कहिले एउटा कोठामा राखिएको फोन अर्को कोठामा गएर खोज्ने गर्छौं । त्यसमाथि फोन साइलेन्टमा छ भने त झनै तनाव । अफिस, कलेज जान हतार भएको छ तर फोन कुन कोठाको कुन कुनामा छ, केही अत्तोपत्तो हुँदैन । लौ भएन त बर्बाद !

यस्तो समयमा वैकल्पिक समाधान भनेको गुगल प्रयोग गर्नु हो । धेरैलाई थाहा नहुन सक्छ, गुगलको सहायले पनि एन्ड्रोइड फोन कहाँ छ भनेर पत्ता लगाउन सकिन्छ । तर यसका लागि मोबाइलमा इन्टरनेट कनेक्सन मोबाइल डाटा वा वाइफाई हुन जरुरी छ । गुगल सर्च सामान्य रूपमा प्रयोग गरेकालाई यो विधि साह्रै सजिलो लाग्नेछ । आफ्नो मोबाइलमा जुन गुगल एकाउन्ट प्रयोग गरिएको छ, त्यही एकाउन्टमा आफ्नो कम्प्युटरबाट लगइन गरी गुगल डट कममा गएर ‘ह्वेर इज माई फोन’ सर्च गर्नुपर्छ ।

तस्बिरमा उल्लेख भएझैं त्यो गुगल एकाउन्ट जुन एन्ड्रोइड फोनमा प्रयोग गरिएको छ, उक्त फोन अन्तिमपटक कहाँ अनलाइन थियो भनेर देख्न सकिन्छ । छेउमा दुईवटा अप्सन्स देखिन्छन्, ‘रिङ’ र ‘रिकभर’ । फोन हराएको छैन तर आफ्नै कोठाको कुनै कुनामा छ भने पहिलो अप्सन ‘रिङ’को प्रयोग गर्नुपर्छ । ‘रिङ’ मा थिचेर फोनलाई ‘फुल भोल्युम’मा रिङ गराउन सकिन्छ । साइलेन्टमा भए पनि यो तरिकाले फोन कहाँ छ भनेर पत्ता लगाउन सकिन्छ ।

फोन हराएको खण्डमा ‘एन्ड्रोइड डिभाइस म्यानेजर’मा गएर आफ्नो फोन ‘लक’ पनि गर्न सकिन्छ । फोनको पासवर्ड फेरेर, लक स्क्रिनमा कुनै प्रकारको म्यासेज, उदाहरणका लागि ‘यो फोन मेरो हो, कृपया यो नम्बरमा सम्पर्क गरिदिनुहोला’ लेखेर फोन फिर्ता गरिदिन आग्रह गर्न सकिन्छ ।

चोरी भएपछि फोन फिर्ता आउने कुरै भएन । तर त्यस फोन मेमोरीमा भएका महत्त्वपूर्ण डेटा, एप्स, फोन नम्बर, फोटो, भिडियो हटाउन पनि सकिन्छ । यसरी डिभाइस रिमोट्ली वाइप गर्दा मेमोरी कार्डमा भएका डेटाचाहिँ हट्नेछैनन् ।

स्रोत तथा साभार : अन्नपूर्ण पोस्ट, रविन्द्र लम्साल शुक्रवार, भदौ १०, २०७३

सामसुङ मोबाइलको मूल्य घट्यो कति ?

samsung galaxy

काठमाडौं, भदौं १९ 

नेपालका लागि सामसुङ मोबाइलको आधिकारिक ब्रिकेता आइएमएसले दसैं अफर भन्दै मोबाइलको मूल्य घटाएको छ। ८६,९००  पर्ने ग्यालेक्सी नोट फाइभमा १०,००० घटाएको छ। अब ७६,९०० सयमा सो मोबाइल किन्न सकिन्छ।

त्यस्तै सामसुङ एस सेभेन एज र एस सेभेनमा १२,००० हजार क्यास ब्याकको अफर उसले ल्याएको छ। ५०,९०० सय पर्ने ग्यालेक्सी ए सेभेन सिक्समा ५,०००  घटेको छ भने ग्यालेक्सी ए फाइभमा ५००० रुपैयाँ घटेको छ।  अब ग्यालेक्सी ए सेभेन सिक्स अब ४५,९००  र ए फाइभ ३७,९०० मा किन्न पाइन्छ।

ग्यालेक्सी जे सेभेनमा १५०० घटाइएको छ। २७,९९० पर्ने सो मोबाइल २६,४९० मा किन्न सकिन्छ। त्यस्तै ग्यालेक्सी जे फाइमा २,००० घटाइएको छ, अब सो मोबाइलको मूल्य २३४९० पर्छ । जे २ सिक्स को भने मुल्य घटाइएको छैन्।

यो १५,९०० सयमा किन्न पाइन्छ। त्यस्तै  २२,९ ००  पर्ने ग्यालेक्सी जे सेभेन  अब २१,९०० मा किन्न सकिन्छ । जे फाइभको मूल्य १९,९०० तोकिएको छ । १२,९००  पर्ने जेटु अब ११,९०० मा पाइन्छ।

स्रोत : सेतोपाटी

नेपाललाई अन्तर्राष्ट्रिय रोबोट प्रतियोगितामा दुई अवार्ड

robot competition

भाद्र ५, २०७३।

बैंकक-एसिया प्रशान्त रोबोट प्रतियोगिता-२०१६ मा आइतबार नेपाल ले ‘वेस्ट इञ्जिनियरिङ एवार्ड’ र ‘पानासोनिक एबार्ड’ प्राप्त गरेको छ । उक्त प्रतियोगितामा १६ देशका प्रतियोगीले भाग लिएका थिए । इञ्जिनियरिङ अध्ययन संस्थान,पुल्चोक क्याम्पसको रोबोटिक क्लवले तयार पारेको रोबोटले आइतबारको अन्तर्राष्ट्रिय प्रतियोगितामा भाग लिएको हो ।

यस अघि नेपाल र  मलेसियाबीचको पहिलो खेलमा दुबै देशले ६० अंक प्राप्त गरेपछि ड्र भएको थियो । पुन अर्को पटकको खेलमा मलेसियाले नेपालले ल्याएको ६० अंकको दाँजोमा १००अंक ल्याएर  नेपाललाई उछिनेको थियो । पुनः भारतसँगको खेलमा नेपालले ६० अंक प्राप्त गर्‍यो भने भारतले १०० अंक बटुल्यो । भारतको हातले सञ्चालन(म्यानुवल) गर्ने रोबोट थियो भने नेपालको पूर्ण स्वचालित रोबोट थियो । नेपालले दुई खेले गरी १२० अंक प्राप्त गर्‍यो । शुन्य अंक  ल्याउने देश हरूमा कोरिया,फिजी, कजाकिस्तान, पाकिस्तान, इजिप्ट थियो ।

रोबोट प्रतियोगिताको फाइनलमा मलेसियाले चीनलाई पराजित गर्दै विजयी भयो । नेपालको पहिलो खेल मलेसियासँगै भएको थियो । नेपाल भन्दा ५ राष्ट्रले मात्र बढी  अंक ल्याएका थिए ।  नेपाल, चीन, जापान, भारत, कोरिया, पाकिस्तान, मलेसिया, श्रीलंका, हङकङ, इजिप्ट, फिजी, इन्डोनेसिया, मंगोलिया, भियतनाम, कजाकिस्तान र थाइल्याण्ड गरी १६ देशका १७  टोली सहभागी थिए।

प्रतियोगितामा पुल्चोक इञ्जिनियरिङ क्याम्पसका प्राध्यापक राजेश कायस्थ, अरुण तिमिल्सिना, शरद घिमिरे, जगत श्रेष्ठ, प्रकाश घिमिरे, इन्स्ट्रक्टर रमेश चौघरी र विद्यार्थीहरु गरेर ४९ जना सहभागी थिए । गत १६ वर्षदेखी रोबोटिक क्लव यो प्रतियोगितामा भाग लिँदै आएको छ। सिमित साधन स्रोत भएपनि बर्सेनि नेपाली रोबोट अन्तर्राष्ट्रिय प्रतियोगितामा उत्कृष्ट हुँदै आएको छ ।

नेपाल टेलिकमको फेस्टिवल अफर

NTC

भाद्र १६, २०७३ ।

नेपाल टेलिकमले ‘फेस्टिवल अफर’का रुपमा जिएसएम प्रिपेड मोबाइल प्रयोगकर्ताका लागि शुभरात्रि प्याकेज ल्याउने भएको छ ।

यही भदौ १८ गतेदेखि आगामी असोज १ गतेसम्म लागू हुने अफर राति ११ बजेदेखि बिहान ५ बजेसम्म प्रयोग गर्न सकिने टेलिकमका प्रवक्ता प्रतिभा वैद्यद्वारा जारी विज्ञप्तिमा जनाइएको छ ।

उपभोक्ताले रु ४० मा पाँच सय एमबी सात दिनका लागि र रु ८५ मा एक हजार दुई सय एमबी १५ दिनका लागि प्रयोग गर्न सक्नेछन् । पाँच एमबी डाटा लिन स्पेसियल ५०० एमबी (अङ्ग्रेजीमा) र एक हजार दुई सय एमबी डाटा लिन स्पेसियल १२०० एमबी(अङ्ग्रेजीमा) लेखेर १४१५ मा एसएमएस पठाउनुपर्नेछ । रासस

स्याटलाइटको जिम्मा दूरसञ्चार प्राधिकरणलाई

space satellite

भाद्र ६, २०७३।

सरकारले आफ्नै भू–उपग्रह (स्याटलाइट) राख्ने प्रक्रिया अघि बढाउने जिम्मेवारी नेपाल दूरसञ्चार प्राधिकरणलाई सुम्पेको छ । सूचना तथा सञ्चार मन्त्रालयले प्राधिकरणलाई कार्यादेशसहित स्याटलाइटसम्बन्धी प्रक्रिया अघि बढाउन जिम्मेवारी सुम्पेको हो । मन्त्रालयले प्राधिकरणलाई नेपालले अन्तरिक्षमा पाएको स्थान (अर्बिटल स्लट) उपयुक्त भए नभएको अध्ययन गर्ने कार्यादेश दिएको छ ।

यसैगरी अर्बिटल स्लटबारे अन्तर्राष्ट्रिय दूरसञ्चार संघ (आईटीयू) सँग छलफल तथा सहकार्य अघि बढाउन, नेपाल आफैंले स्याटलाइट राख्न सक्ने नसक्ने निक्र्यौल गर्न र मन्त्रिपरिषद्बाट पारित गर्नुपर्ने भएमा प्रस्ताव बनाउन प्राधिकरणले कार्यादेश पाएको छ । यस्तो प्रस्ताव बनाउँदा मन्त्रालयका एक जना प्रतिनिधिसमेत सहभागी गराउनुपर्ने छ । यी कार्य अघि बढाउन प्राधिकरणले परामर्शदाता नियुक्तिका लागि आशयपत्र माग गर्ने अधिकारसमेत पाएको छ ।

यसअघि स्याटलाइटसम्बन्धी काम मन्त्रालयले गर्दै आएको थियो । मन्त्रालयले पटक–पटक अध्ययन गराउनुका साथै आईटीयूसँग सहकार्य गरिरहेको थियो । तर, गत वर्ष प्राधिकरणले आफ्नो वार्षिक कार्यक्रममा स्याटलाइट राख्ने विषयमा अध्ययन गर्न परामर्शदाता नियुक्त गर्ने योजना सार्वजनिक गरेको थियो । योजनाअनुसार प्राधिकरणले विभिन्न कम्पनीसँग आशयपत्र माग गर्‍यो । प्राधिकरणले त्यस बेला ५ वटा कम्पनीलाई छोटो सूची (सर्ट लिस्ट) मा समेत राखेको थियो ।

आईटीयूले नेपालका लागि सन् १९८४ मै अर्बिटल स्लट छुट्टयाइदिएको थियो । नेपालका लागि आईटीयूले ५० डिग्री पूर्वी देशान्तर र १२३.३ डिग्री पूर्वी देशान्तरका दुइटा स्लट छुट्याइदिएको छ । नेपालले सन् २०१५ भित्रै स्लट प्रयोग गरिसक्नुपर्ने थियो । स्याटलाइट राख्ने विषयमा नेपालले कुनै तयारी नगर्दा आईटीयूले दिएको समय त्यत्तिकै गुज्रेको छ ।

आईटीयूले दिएको समयवाधि सकिने मिति नजिकिँदै जाँदा सरकारले गठन गरेका दुइटा छुट्टाछुट्टै अध्ययन समितिले आईटीयूले नेपाललाई उपलब्ध गराएको ‘अर्बिटल स्लट’ मा स्याटलाइट राख्न उपयुक्त नभएको सुझाव दिएका थिए । नेपाललाई ८० डिग्री पूर्वी देशान्तरदेखि ८९ पूर्वी देशान्तरको ‘अर्बिटल स्लट’ उपयुक्त हुने उनीहरूको निष्कर्ष छ ।

आईटीयूले दिएकै स्थानमा स्याटलाइट राख्दा त्यसको ‘फुटप्रिन्ट’ नेपालमाभन्दा अन्य मुलुकमा पर्ने प्राविधिकहरूले बताउँदै आएका छन् । दुवै समितिले आईटीयूले उपयुक्त स्थानमा ‘अर्बिटल स्लट’ माग्न सकिने सुविधा दिएकाले माग गर्नुपर्ने सुझाएका थिए । नेपालले स्याटलाइट राख्नका लागि सुरुमै करिब ३० अर्ब खर्च गर्नुपर्ने अध्ययनले देखिएको छ । स्याटलाइट राखिसकेपछि पनि १५ वर्षभित्र अर्को ३० अर्ब रुपैयाँ खर्च हुन्छ ।

आईटीयूले उपलब्ध गराएको स्थानमा भूमध्यरेखाबाट ३७ हजार किलोमिटर उचाइमा गुरुत्वाकर्षणले नभेट्ने स्थानमा स्याटलाइट राख्नुपर्छ । स्याटलाइट राखिसकेपछि यसको मर्मत लगायतका खर्च धेरै हुने प्राविधिकहरू बताउँछन् । टेलिफोन, मोबाइल, इन्टरनेट, ब्रोडकास्टिङ लगातका लागि स्याटलाइट प्रयोग हुने गर्छ । यसबाट वितरित ब्यान्डविथमा ताररहित सेवा प्रवाह गर्न सजिलो हुन्छ ।

नेपालमा विभिन्न दूरसञ्चार कम्पनी, टेलिभिजन र डिटिएच कम्पनीले विदेशी स्याटलाइटमार्फत सेवा प्रवाह गरिरहेका छन् । प्रतिवर्ष नेपालबाट करिब चार अर्ब रुपैयाँ स्याटलाइटका लागि बाहिरिएको सञ्चार मन्त्रालयले तीन वर्षअघि गरेको अध्ययनले देखाएको थियो । नेपाली कम्पनीले हाल भारत, सिंगापुर, थाइल्यान्ड, हङकङलगायत मुलुकका कम्पनीबाट स्याटलाइट सेवा लिँदै आएका छन् ।

काठमाडौंमा विज्ञान तथा प्रविधि सम्मेलन शुरु

१६ चैत, काठमाडौं ।

नेपाल विज्ञान तथा प्रविधि प्रज्ञा प्रतिष्ठान (नाष्ट)द्वारा आयोजित सातौं राष्ट्रिय विज्ञान तथा प्रविधि सम्मेलन काठमाडौमा आजदेखि शुरु भएको छ । काठमाडौंको याक एन्ड यती होटलमा प्रधानमन्त्री केपी शर्मा ओलीले सम्मेलनको उदघाटन गर्नुभयो । यस पटकको सम्मेलनको मूल नारा Science, Technology and Innovation for Nepal’s’   Graduation to Developing Country Status भन्ने रहेको नाष्टले जनाएको छ ।

तीन दिनसम्म चल्ने सम्मेलनमा नेपाल, भारत, चीन सहित विभिन्न १० मुलुकका करिब १००० वैज्ञानिकहरूको सहभागिता रहनेछ भने  ५६ वटा प्राविधिक सत्र सञ्चालन गरी ६०८ वटा वैज्ञानिक/प्राविधिक कार्यपत्र प्रस्तुत गर्ने नाष्टका उपकुलपति प्रा. डा. जीवराज पोखरेलले जानकारी दिए । प्राविधिक सत्रहरु भूकम्पबाट क्षतिग्रस्त संरचनाहरुको पुनर्निर्माण सम्बन्धी प्रविधिमा केन्द्रीत हुने बताए ।

सम्मेलनमा भारतको जवाहरलाल नेहरु सेन्टर फर एड्भान्स्ड रिसर्चका वैज्ञानिक प्रा. डा. सीएनआर राओ र चीनको चाइनिज एकेडेमी अफ साइन्सेजका अध्यक्ष प्रा. डा. बाइ चुन्ली पनि सहभागी छन् । उनीहरुले मुलुकको विकासमा विज्ञान प्रविधिको भूमिका विषयमा सम्बोधन गर्ने कार्यक्रम छ । नाष्टले २०४५ सालयता हरेक चार वर्षको अन्तरालमा राष्ट्रिय विज्ञान तथा प्रविधि सम्मेलन गर्दै आएको छ ।

फेसबुक

11053881_10205522604975996_6163084823329531271_n
गोपाल भण्डारी

फेसबुक

पृष्ठभूमि

फेसबुक अहिले विश्वमै सबैभन्दा धेरै मानिसहरुले प्रयोग गर्ने सामाजिक सञ्जाल हो । फेसबुकमा सन २०१० जुलाईसम्म झन्‍डै ५०,००,००,००० जनाले एकाउन्‍ट खोलिसकेका छन् । सामाजिक सञ्जालहरुले मानिसको जीवन जती नै सहज बनाएको छ यसको गलत प्रयोगले समस्या पनि निम्त्याएको छ ।

सामाजिक सञ्जाल फेसबुकको चर्चासँगै यसको प्रायोग दैनिक हुने गर्छ । कतिलाई त फेसबुकबीनाको जीवनको अनुमान गर्न पनि गाह्रो हुने स्थिति आउन लागिसकेको छ । फेसबुक बन्द भएमा ‘आफु पनि बन्द हुने’ बताउने व्यक्तिहरु पनि सर्वत्र छन् । सामान्य रूपमा यसमा रमाउनु त ठीकै हो, तर यसैमा ‘क्रेजी’ हुनु चाहिँ खासै राम्रो होइन । त्यसो त अभिन्न अङ्ग भइसकेको फेसबुकबाट राम्रा कुराहरु पनि धेरै नै ग्रहण गर्न सकिन्छ, विश्वमा भएका गतिविधिबारे थाहा पाउन सकिन्छ ।

वर्तमानमा मानिसहरुले फेसबुकको फरकफरक प्रायोजनका लागि प्रयोग गर्ने गरेको पाइन्छ । फेसबूकले  जीवनमा  महत्वपूर्ण भुमिका खेल्न  थालेको छ । हिजोआज कुनै कम्पनी वा कार्यालयले कसैलाई जागिरमा राख्नुभन्दा पहिले उनको फेसबुक अकाउन्ट जाँच गर्ने गरिन्छ । आफ्नो प्रोफाइल फोटो साधारण र शिष्ट राख्नुहोस् । आफूलाई मन परेको पुस्तक, फिल्म, रुची उल्लेख पेजमा लाइक गर्नुहोस्, यसबाट तपाईंको सोंच देखिन्छ । ओजनदार स्टाटस तथा म्यासेज शेयर गर्नुहोस् ।  शिष्ट भाषाको प्रयोग गर्नुहोस् ।

केहीले आफुलाई मन पर्ने व्यक्तिलाई राम्रो प्रभाव पार्न तथा सम्बन्ध विस्तार गर्नको लागि पनि फेसबुकका स्टाटस मन पराइदिने, राम्रा ‘कमेन्ट’ लेखिदिने धेरै नै छन् । त्यसो त आफ्नो लगातारको कामबाट आराम पाउन केहीछिनको लागि फेसबुक खोली मनमा लागेका कुरा निर्धक्क खोल्ने व्यक्तिहरु पनि कम छैनन् । अनि आफ्नो स्टाटस सबैले हेरून् र आफुलाई एकपटक एस्सो सम्झिऊन् अनि सो मा कमेण्ट लेखून् भन्ने सोचका साथ फेसबुक चलाउने पनि धेरै छन् । आफ्नो स्टाटसमा कसैले पनि कमेण्ट नलेख्दा भने चित्त दुखाउने पनि धेरै नै छन् । फेसबुकमार्फत आफुलाई उपयुक्त नलागेको कुरामा विरोध जनाउने व्यक्तिहरु पनि धेरै नै छन् । कोही कोही मानिसले त फेसबुकमा चिया पिएको, मादक प्रदार्थ पिएको, खाना खाएको जस्ता कमसल खालका तस्बिर पोस्ट गर्ने गर्नु भनेको हल्का खालको औकात देखाउनु मात्र हो ।  भावनात्मक भएर एक दिन मै धेरै स्टाटस पोस्ट गर्नु राम्रो होईन ।

 अन्तराष्ट्रिय स्तरले चालेको महत्वपूर्ण  सामाजिक सञ्जालको  फेसबुकमा आफ्नो एकाउन्ट खोल्ने, देशविदेशका साथीहरु बनाउने, उनीहरुको खानपान, लवाई, खवाईको सिको गर्ने, आफ्नो घरमा बसेर फेसबुकको माध्यमद्वारा विभिन्न राष्ट्रको सांस्कृतिक, आर्थिक, सामाजिक गतिविधिहरुको अवलोकन गर्ने आज आम नेपालीको दैनिक क्रियाकलाप भइसकेको छ । समयसंगै नेपालीहरु पनि धेरैले फेसबुकमा आफ्नो ‘एकाउण्ट’ खोलिसकेका छन् । फेसबुकका प्रयोगकर्ताको भिडमा राजनीतिज्ञ तथा सेलिब्रेटीहरु पनि धेरै नै छन् । उनीहरु पनि नयाँ साथी बनाउन अनि ‘स्टाटस म्यासेज’ लेख्न उत्तिकै सक्रिय रहेको पाउन सकिन्छ । देशको राजनीतिक परिस्थितिका सन्दर्भमा सुचना आदनप्रदान गर्ने तथा फेसबुककै माध्यमबाट ‘आन्दोलन’ गर्ने गरेको पनि धेरैको फेसबुक ‘प्रोफाइल’बाट थाहा पाउन सकिन्छ ।

 प्रयोगकर्ताहरूले बडिमा ५००० जना साथि आफ्नो खातामा जोडन सक्छन् । फेसबुकमा पेज बनाइ ब्यापारको प्रबर्धन पनि गर्ने सकिन्छ भने चर्चित ब्यक्तित्वहरूले पेज मार्फत आफ्ना प्रशंसकहरू सङ्ग अन्तरक्रिया गर्ने पनि सक्दछ। फेसबुकमा अहिले च्याट,भिडियो च्याट,सामुहिक च्याट र गित सुन्ने जस्ता सुबिधाहरू थप गरिएको छ । तर, फेसबुक प्रयोग गर्नका लागि प्रयोगकर्ता कम्‍तिमा १३ बर्षको उमेर भएको हुनु पर्दछ र, इमेलबाट एकाउन्‍टलाइ सक्रिय बनाइने भएकाले प्रयोगकर्तासंग नीजि इमेल हुनु पर्दछ । फेसबुकमा चलाउन मनलागेन भने निस्कृय बनाउन पनि सकिन्छ । खाता निस्कृय बनाइसके पछि तत्कालका लागी फेसबुक खातामा कसैले कमेन्ट ,लाइक र लेख्न सक्दैन् तर स्थाइरूपमा भने खाता डिलिट भएको हुदैन र पछि सक्रिय बनाइसके पछि सबै सुचनाहरू प्राप्त गर्न सकिन्छ।फेसबुकको मुख्य बिवादको कुरा यस्को गोपनियताको रहेको छ । यो वेभसाइटको नामको जरो भने बिश्वबिध्यालयले विद्यार्थीहरूलाई एक अर्कालाई चिन्न सहयोग पुर‍‌याउने उद्देश्यले तयार पारिएको पुस्तकको नामबाट आएको हो ,जुन नयाँ सत्र सुरु हुने बेला सबैलाई दिइन्थ्यो ।

इतिहास

सन् २००४ मा मार्क जुकरबर्गले हावर्ड बिश्वबिध्यालयमा हुँदा उनका कलेज कोठामासँगै बस्ने साथीहरू केही कम्प्युटर विज्ञानका विद्यार्थीहरू एडवार्डो साभरिन, डस्टिन मोस कविट्ज रक्रिस ह्यूजेसको साथ फेसबुकको स्थापना गरेका हुन् । वेबसाइट सुरुमा हावर्ड बिश्वबिध्यालयका बिध्यार्थीहरू माझ मात्र सिमित रहे पनि पछि बोस्टन क्षेत्रको आइवी लीग र स्टैनफोर्ड विश्वविद्यालयमा पनि फैलाइएको थियो ।

उपलब्‍धिहरू

फेसबुकमा झन्‍डै ५०,००,००,००० जनाले एकाउन्‍ट खोलिसकेका छन् । सन जनवरि २००९मा Complete.com ले गरेको सर्वेक्षणमा फेसबुक विश्‍वकै बढि प्रयोग हुने सामाजिक सञ्‍जालको रूपमा राखेको छ। com Score को अप्रिल २००८ को प्रतिवेदन अनुसार फेसबुक सबैभन्‍दा बढि चलाइने वेभसाइटको रूपमा लिइएको छ। Alexa का अनुसार यो विश्‍वको दिस्रो बढि चलाउने सख्‍यामा छ। फेसबुकलाइ सन २००७मा PC Magazine को “Top १०० Classic Websites” (उत्‍कृष्‍ट १०० वेभसाटटहरू)मा सामेल गरिएको थियो र सन २००८ मा वेबी अवार्ड्सले दिएको “People’s Voice Award” समेत पायो । सन २००६मा विद्यार्थीहरू माझ गरिएको अध्‍ययनमा फेसबुक चलाउनेको सख्‍या धेरै मात्रामा पाइएको थियो ।

फेसबुक मेसेज

सन २०१० नोभेम्‍बर १५का दिन फेसबुकले ‘फेसबुक मेसेज’ सुविद्या लाउने कुरा सार्वजनिक गरेको छ। फेसबुकका सि.इ.ओ मार्क जुकरबर्गले एक पत्रकार सम्‍मेलनका समाहोरमा अब फेसबुक प्रयोगकर्ताहरू @facebook.com राखेर इमेल खोल्‍न सक्‍ने बताएका छन्। कतिले भने ‘फेसबुक मेसेज’ लाई ‘जि-मेल किलर’को संज्ञा समेत दिएका छन्। ‘प्रोजेक्‍ट टाइटान’को कोडनाममा बनाइरहिएको ‘फेसबुक मेसेज’ लाई पूर्णरूपमा बन्‍नको रूपमा भने १५ महिना लाग्‍ने बताइएको छ।

सेनसरसिप

फेसबुकमा पैगंबर मोहम्मदको आपत्तिजनक कार्टून तस्‍बिर बनाउने प्रतियोगितामा इस्‍लामी धार्मिक भावनामा ठेस पुगेकाले यसलाइ पाकिस्‍ितानमा एकताका प्रतिबन्‍ध लगाइएको थियो। पछि ३१ मे, २०१०मा यस सम्‍बन्‍धिको पृष्‍ठ र ब्‍लगलाइ प्रतिबन्‍ध लगाइएको छ। स्रोतहरूका अनुसार यसलाइ पाकिस्‍तान अझै कति धेरै ठाउहरूमा प्रतिबन्‍ध लगाइको पाइएको छ। फेसबुकलाइ चीन, भेतनाम, इरान, साउदी अरविया, बंगलादेश, सिर्या, यजेकिस्‍तानका धेरै क्षेत्रहरूमा सेनसरसिप लगाइएको छ। त्‍यस्‍तै, विभिन्‍न सङ्घ संस्‍थाहरूमा आफ्‍ना कमदारहरू केवल काममा मात्रै एककृत होउन भनेर आफ्‍नो नेटवर्कमा सेनसरसिप लगाइएको छ।मलाई मन पर्ने सञजल

फेसबुक कसरी चलाउने?

कुराकानी गरिहाल्नोस्

कुनै रोचक विषय उठान गर्नुहोस् र त्यसमा आएका साथीहरूका प्रतिक्रियालाई व्यक्तिगत रूपमा जवाफ फर्काउनुहोस्। तपाईंका साथीहरूलाई उनीहरूका प्रतिक्रिया ध्यान दिएर पढ्नुभएको छ भन्ने पार्नुहोस्। अफिसमा छु, मेरो कुकुर कति राम्रोजस्ता स्ट्याटस नराख्नोस्। धेरैजसो मान्छे दिउँसो अफिसमै हुन्छन् र तपाईंको कुकुरसँग कसैको सरोकार पनि हुँदैन।

अन्तर्क्रियात्मक हुनुहोस्

वालका कमेन्टलाई सहजतासाथ लिनोस्। सान्दर्भिक प्रतिक्रिया दिनोस्। कसैप्रति आक्षेप नलगाई अन्तर्क्रियात्मक बन्नोस्। आफ्नो स्ट्याटसमा कमेन्ट वा लाइक आएन भनेर निरास नहुनुहोस्।

सिर्जनशील हुनुहोस्

कसैको राम्रो महावाणी टपक्क टिपेर पेस्ट गर्दैमा खुब ठूलो काम गरेको नठान्नोस्। तपाईंलाई राम्रो लागेको महावाणी सबैलाई राम्रो लाग्नैपर्छ भन्ने छैन। अधिक मौलिक हुनुहोस्। विषयवस्तुबारे फरक ढंगले सोच्नोस्। सिर्जनशील प्रस्तुतिमा वाल अपडेट गर्नुहोस्।

सकारात्मक हुनुहोस्

सकारात्मक हुन नर्मन भिन्सेन्टको द पावर अफ पोजेटिभ थिङकिङ वा कर्ण शाक्यको सोच पुस्तक पढ्नैपर्छ भन्ने छैन। फेसबुक टिमले गरेको अनुसन्धानले नकारात्मक पोस्टमा बढी कमेन्ट र सकारात्मक पोस्टमा बढी लाइक हुने देखाएको छ। तपाईंलाई कान रातो हुने बहस चाहिएको हो कि वाहवाही चाहिएको? अब आफैं छान्नोस्।

सरल भाषा प्रयोग गर्नोस्

फेसबुक सञ्जाल साहित्यकार वा प्राधिकिहरूको भीडले भरिएको छैन। यो विश्वका धेरै मान्छे अप्राविधिक र गैरसाहित्यिक छन्। त्यसैले प्राविधिक र अरूले नबुझ्ने साहित्यिक गफ नछाँट्नोस्। बहुअर्थी भाषा प्रयोग नगर्दै राम्रो। वालमा लेख्दा सरल भाषा प्रयोग गर्नु उत्तम।

‘म’ को धाक नदिनोस्

अंग्रेजी शब्दहरूमाथि गरिएको अनुसन्धानले ‘आई’ र ‘मी’ (म र मेरो) को सट्टा यू (तिमी वा तपाईं) शब्द बढी लोकप्रिय देखाएको छ। त्यसैगरी ‘हि’ र ‘सि’ पनि बढी लोकप्रिय देखिएको छ। त्यसैले ‘म’ को धाक नदिनोस्।

घटना देख्नुभो ? तत्काल अपडेट गर्नोस्

तपाईंको वरिपरि केही न केही रोचक कुरा भइरहेका हुनसक्छन्। कुनै ठूलै घटना देख्नुभयो भने चुप लागेर नबस्नोस्। मोबाइल वा क्यामराले फोटो, भिडियो खिच्नोस् र तत्काल अपडेट गर्नोस्। जनचासो विषयको तत्काल अपडेटले तपाईंलाई रातारात चर्चित बनाइदिनसक्छ।

स्रोत र सभार :

  1. http://ne.wikipedia.org/wiki/फेसबुक
  2. http://meroreport.net/how-to-use-facebook

खुसीको खबर अर्को फेसबुक प्रयोगकर्तालाई

– एजेन्सी । खुसीको खबर अर्को फेसबुक प्रयोगकर्तालाई !

 फेसबुक अहिले विश्वमै सबैभन्दा धेरै मानिसहरुले प्रयोग गर्ने सामाजिक सञ्जाल हो । फेसबुकमा सन २०१० जुलाईसम्म झन्‍डै ५०,००,००,००० जनाले एकाउन्‍ट खोलिसकेका छन् ।

फेसबुकले त्यसलाई लक्षित गरी नयाँ नयाँ डिजाईनहरु ल्याएर प्रयोगकर्ताहरुलाई सहज बनाइरहेको छ । यस्तै पछिल्लो समयमा फेसबुकले नयाँ होमपेज ल्याएको छ । साथीहरुसँग फेसबुकमा कुरा गर्नुका साथै आफ्नो उत्पादनको मार्केटिङसमेत गर्न सकिनेछ । फेसबुकले होमपेजमा बदलाब गर्दै सेल अब फेसबुक, अनलाईन र इन पर्सन नामका पेज निकालेको छ र अहिले १४ दिनको फ्रि ट्रायल दिएको छ । हाल यो फैसला जोड्ने वा नजोड्ने भन्ने फैसला गर्न भने प्रयोगकर्तालाई नै दिइएको छ । अब नयाँ पेजबाट आम मानिसहरुले आफ्ना उत्पादनको मार्केटिङ गर्न सक्नेछन् साथैं आफ्ना साथीहरुको माध्यमबाट ग्राहक खोज्न समेत पाउनेछ । फेसबुकमा तपाईको अनलाईन इमेल आइडी हालेपछि यो रजिस्ट्रेशन हुनेछ । यसमा अन्य सामाजिक सञ्जालहरुमा जोड्ने सुविधा समेत राखिएको छ ।

फेसबुकमा कुनै समाचारको लिंक, तस्वीर, गीत आदि महत्वपूर्ण सामग्री सेभ गरेर राख्न सजिलो थिएन । यद्यपी अब फेसबुकले यो असजिलो फुकाइदिने भएको छ । फेसबुकले आफ्ना प्रयोगकर्ताका लागि यस्तो नयाँ फिचर ल्याउँदैछ, जसका माध्यमबाट आफूलाई मनपरेको सामग्री सेभ गरेर चाहेको बेला पढ्न वा हेर्न सकिन्छ । फेसबुकले परीक्षण गरिरहेको ‘सेभ’ फिचर केही प्रयोगकर्ताको न्युज फिडमा देखिएको छ, जसअनुसार प्रयोगकर्ताले कुनैपनि लिंक सेयर गरे वा कमेन्ट तथा लाइक गरे त्यस्तो पोष्ट मुनी सेभ अप्सन देखिने छ । उक्त आर्टिकल सेभ गरेपछि दायाँपट्टीको कोलममा गएर बस्नेछ । मोबाइल र डेस्कटप दुवै भर्सनमा प्रयोग गर्न मिल्ने यो सुविधा अन्र्तगत सेभ गरिएका सामग्रीहरुको सूची पनि उपलब्ध हुने छ । फेसबुकले चुपचाप परीक्षण गरिरहेको यो फिचर कहिलेदेखि लागु हुनेछ भन्ने कुरा भने बताइएको छैन ।

डिजिटल सिग्नेचर भनेको के हो ?

-गोपाल भण्डारी
        गोपाल भण्डारी

डिजिटल सिग्नेचर

डिजिटल सिग्नेचर विद्युतीय माध्यमबाट काम कारबाही गर्नको लागि कार्डमा दिइने एउटा पिन कोड हो। जुन कोडले सूचनाहरु सुरक्षित माध्यमबाट आदानप्रदान गर्न सकिन्छ। यसको प्रयोगबाट सूचनाहरु कम्युटरमा मात्रै सुरक्षित किसिमले भरपर्दो गरी आदानप्रदान गर्न सकिन्छ। यसको प्रयोगबाट अनलाइनमा हुने कारोबार भरपर्दो र सुरक्षित हुन्छ। डिजिटल सिग्नेचर एउटा सार्वजनिक र अर्को निजी दुई किसिमले दिने गरी बनाइएको हुन्छ। ई-कमर्स, ई-कारोबार आदिको इन्टरनेटमा बढ्दो प्रभाव तथा समाजमा यसको सचेतता बढ्दै गएको परिप्रेक्ष्यमा यो ई-सिग्नेचरको खाँचोको अनुभव स्वभाविक देखिन्छ । डिजिटल सिग्नेचर भनेको तपाईंको हस्ताक्षरको डिजिटल कपी अथवा स्वरुप होइन, यसले आधुनिक इन्त्रिप्सनको प्रविधिलाई अपनाउँदै पासवर्ड तथा अन्य टुलहरूका सहायताले यसलाई तपाईंकै डिजिटल सिग्नेचर हो भन्ने प्रमाणित गराउनु हो ।

नेपालमा डिजिटल सिग्नेचर

सरकारले वैशाखदेखि डिजिटल हस्ताक्षर (डिजिटल सिग्नेचर) लाई पूर्ण रुपमा लागू गर्ने भएको छ। विद्युतीय कारोबार ऐन २०६३ र नियमावली ०६४ जारी भएको लामो समयपछि डिजिटल हस्ताक्षर लागू हुन लागेको हो। रुट प्रमाणीकरण (सर्टिफाइङ अथोरिटी) लाई प्रशिक्षण दिने काम भइरहेको छ। २०७१ चैत मसान्तसम्म सबै काम पूरा हुन्छ। वैशाख १ देखि लागू हुन्छ।

विज्ञान प्रविधि तथा वातावरण मन्त्रालय मातहतमा प्रमाणिकरण नियन्त्रण कार्यालय छ । आठ बर्ष पहिले विद्युतिय कारोबार ऐन आएको थियो । दुई बर्ष पहिले नै नेपाल सर्टिफाईङ कम्पनीको दर्ता भएको थियो । डिजिटल कारोबारेको कार्यान्वयन भएको थिएन् । प्रमाणिकरण गर्ने निकायका रुपमा डिजिटल सिग्नेचर लाई प्रयोग गर्ने अभियानमा कम्पनी खोलिएको थियो । यसले इ–कारोबारको आधिकारीकता हामीले नै गर्ने हो । कसैले पठाएको इमेलेका आधिकारीकताले हामीले न गर्ने हो । मुख्य कुरा भनेको इ–नेपाल बनाउने अभियानलाई सार्थक बनाउने पहिलो काम भनेको डिजिटल सिग्नेचर कम्पनीले नै गर्छ ।

नेपालमा जति पनि विद्युतीय कारोबार हुन्छ। त्यहाँ डिजिटल हस्ताक्षर अनिवार्य लागू हुन्छ र यसलाई कानूनी मान्यतासमेत प्राप्त हुन्छ । विद्युतीय कारोबारको मेरुदण्ड वा अनिवार्य सर्त भनेकै डिजिटल हस्ताक्षर हो।सूचना प्रविधिको बढ्दो प्रयोगसँगै पछिल्लो समय विभिन्न किसिमका अपराधसमेत बढिरहेको छ। डिजिटल हस्ताक्षरले यस्ता अपराध नियन्त्रण गर्नसमेत मद्दत हुनेछ। डिजिटल हस्ताक्षरले सूचनाको सुरक्षा, इ–बैंकिङ, एसएमएस बैंकिङजस्ता विद्युतीय कारोबारमा आधारित सेवामा प्रभावकारिता आउने र भरपर्दोसमेत हुनेछ। हिजो अनलाइन फारम भर्दा र अनलाइन कारोबार गर्ने क्रममा सम्बन्धित व्यक्तिले इन्कार गरेको खण्डमा त्यसलाई प्रमाणित गर्ने आधार नभएको उनले बताए। सरकारले रेडियन्ट नामक कम्पनीलाई लाइसेन्स दिएर नियुक्त गरिसकेको छ। ‘क्षमता अभिवृद्धिका निम्ति इन्टरनेसनल फाइनान्स कर्पोरेसन (आइएफसी) सँग सम्झौता भइसकेको छ। फस्टाउँदो विद्युतीय कारोबारका लागि मुलुकमा डिजिटल हस्ताक्षर अत्यावश्यक भइसकेको छ ।

प्रविधिमा सबै वर्गको पहुँच वृद्धि गर्न भोलिदेखि राजधानीमा राष्ट्रिय सम्मेलन

चैत्र १५, काठमाडौं । प्रविधिमा सबै वर्गको पहुँच वृद्धि गर्न भोलिदेखि राजधानीमा राष्ट्रिय सम्मेलन ! प्रविधि व्यावहारिक तथा औद्योगिक कलाहरू र प्रयुक्त विज्ञानसित सम्बन्धित अध्ययन हो। आदि कालदेखि नैं मानवले प्रविधिको प्रयोग गर्दै आएको हो। आधुनिक सभ्यतालाई विकास गरी आजको स्थितिमा ल्याउन प्रविधिको सबैभन्दा ठूलो योगदान छ।

द्रूत गतिमा विकास भइरहेको प्रविधिमा सबै वर्गको पहुँच वृद्धि गर्न भोलिदेखि राजधानीमा राष्ट्रिय सम्मेलन हुने भएको छ। नेपालमा प्रविधिमा न्यायको क्षेत्रमा काम गर्ने संस्थाहरूद्वारा आयोजना गर्न लागिएको सम्मेलनको उद्देश्य प्रविधिमा सबैको समान पहुँच गराउने वातावरण बनाउनु रहेको आइतबार पत्रकार सम्मेलनमा जानकारी गराइयो। शिखर सम्मेलनबाट प्रविधिको प्रयोग र गरिबि न्यूनिकरणमा त्यसले खेल्न सक्ने भूमिकाको बारेमा बहुमूल्य बिचार, अनुभव तथा चुनौतीबारे छलफल हुने कार्यक्रम छ।

विशेषगरी चार क्षेत्र- कृषि, खाद्य सुरक्षा तथा वायोटेक्नोलोजी, खानेपानी तथा सरसफाइ, प्रकोप न्यूनीकरण तथा जलवायु परिवर्तन, नवीकरणीय ऊर्जा, यातायात तथा पूर्वाधार विकास र प्राविधिक शिक्षा तथा सूचना सञ्चार प्रविधिको प्रयोगमा केन्द्रित भएर कार्यक्रम सञ्चालन हुनेछ। यी चार क्षेत्रमा समानान्तर चल्ने सत्रमा विशेषज्ञहरूले कार्यपत्रहरू प्रस्तुत गर्नेछन्। सम्मेलनमा विभिन्न प्रकारका प्रविधिमा गरिब तथा सीमान्तकृत वर्गको पहुँच बढाउन विभिन्न प्रकारमा गतिबिधिहरू सञ्चालन हुने र ‘प्रविधिमा न्याय’ विषयमा एक उपयोगी दस्तावेज तयार हुने नेपाल विज्ञान तथा प्रविधि प्रज्ञा प्रतिष्ठानले जनाएको छ।