कन्यादानमा कन्याको दहिने हातको बुढी औला नै किन ?

कन्यादानमा कन्याको दहिने हातको बुढी औला नै किन ? परमात्माको बायाँ अंशबाट उत्पन्न प्रकृतिका अंश भएकी कन्याको विवाह विधिद्वारा दायाँ अंश पुरुषसँग सम्बन्धन गराउँदा कन्याको दायाँहात दिनु स्वाभाविक प्रक्रिया हो । समान वस्तुको समानवस्तुसँग सम्बन्ध सुहाउँदो हुन्छ । दाहिने हात पतिकै हो भन्ने कुरा पार्वतीको दाहिने हात महादेवले ग्रहण गरेको कुराले पुष्टि हुन्छ ।

बूढी औंला ब्रम्हाको प्रतिक र बूढी औंलाको फेद ब्रम्हातीर्थ मानिन्छ । अतः ब्रम्हाविवाहमा ब्रम्हाको प्रतीक बूढी औंला ग्रहण गरी त्यसको फेद (ब्रम्हातीर्थ) मा जलधारा चुहाई सङ्गल्पपूर्वक कन्याको दायाँहात दायाँ अंश भएको पुरुषरूप वरलाई दिनुमा सृष्टि एवं रक्षा दुवै कुराको रहस्य छ । तसर्थ आज पनि यो कुरा थाहाभएकी महिलाले आफ्नो दायाँ हात कसैलाई छुन दिँदैनन् ।

मधुसूदन सुवेदी केन्द्रिय कानून पुस्तकालय जमलका प्रमुख तथा वरिष्ठ लेखक हुनुहुन्छ । उहाँका ७० भन्दा बढी धार्मिक तथा पुस्तकालय बिज्ञान सम्वन्धी पुस्तकहरु प्रकाशित छ ।

यो पनि पढ्नुहोस् 

मंगलसुत्र लगाउनाको वैज्ञानिक कारण के ?

खुट्टामा औठी लगाउनुको वैज्ञानिक कारण के ?

पाउजु पहिरिनुको वैज्ञानिक कारण के ?

कानमा पहिरिने बाली र झुम्काको वैज्ञानिक कारण के ?