वसन्त आऊ मुटुमा रम्दै
वसन्त आऊ मुटुमा रम्दै
वसन्त तिमी चन्द्रमा झैँ शोभायमान र सूर्य झैँ
धरामा जगमगाउनु !
नव पालुवाका कोमल शव्द कोइली तिमी
बनमा डुली गाउँनु !!१
न्याउलीको भाका गाउँदै यो वनमा तिमीलाई
हरपल खोजौँ कि म !
म पालुवामा लुकी लुकि तिमी आउने बाटो
बनमा कुरौँ कि म !!२
वसन्त तिमीलाई मेरा मनका नयनहरुले मुटुबाट
चिहाऊँ कि !
म हृदयका पानाहरुमा शव्दले सुनको सुन्दर
बिहानी ल्याऊँ कि !३
मुटुहरुमा यी वसन्तका कोमल हाँसोहरु नै म
छरी पो दिऊँ कि !
किनकी मनहरु रमाउँदा फुल्ने गर्छन मनभरी
वसन्तका कोमल फूलहरु !!४
त्यसलै हरपल हरेकलाई सकिन्छ दिन भने दिऊँ
हाँसो नै समुल !
पिडा दिन हुन्न् कसैलाई मनहरु रमाउन मात्रै
खोज्छन् है हरपल !!५
पिडा घोच्ने काँडा जस्तै हुन्छ अत्यन्त कठीन
पीड़ादायी पलपल !
साँचो कुरा हृदयका भाव हुन सबैको हृदयमा
नव पालुवा पलाउँछन् !!६
मनले हरेकको भाव बुझिदेऊ मनका फूल
तिमी फूल्न पनि देऊ !
पिडा कसैलाई कहिले नदेऊँ आँशु कसैको
मुटुबाट न बहोस् !!७
अरुलाई पिडा दिदाँ हृदय नै पिडित हुन्छ
दुखि अरु मन कति नहोस् !
ओठमा हर पल हाँसो छाओस् मनको भाव
खुशीले जगमगाओस् !!८
खुशी,हाँसो त चन्दन जस्तै हुन्छ सुमधुर सुवासित,
कति हो कति सुन्दर !
अरुलाई दिदाँ आफ्नै हृदय मगमगाउँछ नै सुवासित
बनेर सुमधुर !!९
म मनको महलमा शव्दको सुन्दर खेती गरौँ कि
हामी मिलेर हाँसेर !
म आकासका ताराझैँ सुन्दर बीज त्यहाँ छरौँ
मायाँले हृदयमा भरेर !!१०
चरीको पालुवाबीचमा भएको मायाँको त्यो
सुन्दर लहराको घर झैँ !
हाँगाका पालुवाहरु हेरी मनका भाव चरी
पोख्दछे बैँशको भाव झैँ !!११
मनका भाव अनि हृदयका शोभा चन्द्रमाको त्यो
सितल झैँ नै होस् !
हृदयका भाका हरेक हृदयमा फूलको वास्ना झैँ
मगमग नै होस् !!१२
शोभा खतिवडा काफ्ले लेखक, साहित्यकार, सामाजिक अभियन्ता तथा श्री शान्ति विद्यागृह उच्च मा. वि. लैनचौर, काठमाण्डौकी शिक्षिका हुनुहुन्छ । उहाँका राष्ट्रिय भावनाले ओतप्रोत भएका उत्कृष्ठ रचनाहरुले सच्चा देशभक्त नेपालीको मन जितेका छन ।
