कुर्सी
साझा बस दिनभरि
खाली चल्थे
पहिले पहिले ..
फेरि,
सुरु गरिएका साझा
के गर्छ्न् थाह छैन,
तर
हाम्रो नेपाल एअरवेज,
सँधै फूल हुन्छ
सिनेमाको हाउस फूल झैँ ।
सबै संयन्त्र नियालें, र
अन्तमा,
गुप्त गायत्री मन्त्र पुकारें
अनि,
उडानको मौका पाएँ ।
त्यहाँ भरिएका थिएनन्
आधा सीटहरु र
गन्तव्यसम्म
बस झै,
कुनै सीट भरिनेवाला थिएन ।
खाली छ्न् धेरै सीटहरु,
तर
कसैलाई हतारो
छैन रहेछ भर्न,
परन्तु,
खाली कुर्सी भरिन
सँधै हतार हुन्छ ।
कृष्ण प्रसाईं लेखक, साहित्यकार हुन् ।
