नयाँ बर्षको शुभकामना
नवीन पल्लव बनि तिमी मुस्कुराऊ ।
अनन्त सम्म रहने रचना फुराऊ।
प्रभात होस् किरणको, सुधको धरामा ।
रङ्गीन पुष्प जति ढाकिरहुन् प्रभामा ।।
बाधा हुनन् पथभरी, सब कुल्ची जाऊ ।
उदात्त भै हृदयले सखिता सजाऊ ।।
काँडासँगै फूल पनि, जब रम्नसक्छ ।
पोखिन्छ आँसु खुशीमा त्यही जम्नसक्छ ।।
निसर्ग बिम्ब सरिको, भरिएर आओस् ।
मुस्कान पोखी उन्यूले, रहरै सजाओस् ।।
स्वनाम स्वर्ण रंगले भरिएर जाओस् ।
यो वर्ष धन्य बनेर तिमीमा रमाओस् ।।
*कृष्ण प्रसाईं लेखक तथा साहित्यकार हुनुहुन्छ ।
