नेपाली भू-उपग्रह अन्तर्राष्ट्रिय अन्तरीक्ष केन्द्रमा जोडियो
९ वैशाख, काठमाडौं । नेपालको आफ्नै भू-उपग्रह ‘नेपाली स्याटलाईट वान’ पृथ्वीको तल्लो कक्षमा अवस्थित अन्तर्राष्ट्रिय अन्तरीक्ष केन्द्रमा जोडिएको छ । नेपाल विज्ञान तथा प्रविधि प्रज्ञा प्रतिष्ठान (नाष्ट) ले सोमबार ललितपुरको खुमलटारस्थित आफ्नै कार्यालयमा पत्रकार सम्मेलन गरी सो भू-उपग्रह ‘नेपाली स्याट-१’ पृथ्वीको सतहबाट ४ सय किलोमिटर उचाइमा रहेको पृथ्वीलाई परिक्रमा गर्ने तल्लो कक्षमा अवस्थित अन्तर्राष्ट्रिय अन्तरिक्ष केन्द्रमा जोडिएको जानकारी दिएको हो ।
यो पनि पढ्नुहोस्
नेपाली भू-उपग्रह पुग्यो अन्तर्राष्ट्रिय अन्तरिक्ष केन्द्रमा
नेपाली भू-उपग्रह राखेको रकेट प्रक्षेपणका तस्वीरहरु
नेपाली भू-उपग्रह राखेको रकेट प्रक्षेपण गर्नुअघिका तस्वीरहरु
नेपालको भू-उपग्रह बोकेको रकेटको प्रक्षेपण (भिडियो सहित)
नेपालले प्रक्षेपण गरेको भू-उपग्रहको प्रयोजन
यस्तो छ नेपालले आज प्रक्षेपण गर्ने भू-उपग्रह
प्रक्षेपण गरिएको भू-उपग्रहवाट नेपालले लिने फाइदाहरु
नेपाल अन्तरिक्ष युगमा प्रवेश, प्रक्षेपण गरियो नेपालको भू-उपग्रह
नेपालको भू-उपग्रह बोकेको रकेटमा किन मूसा पठाइयो ?
नेपाल विज्ञान तथा प्रविधि प्रज्ञा प्रतिष्ठान (नास्ट) र जापानको क्युसु इन्स्टिच्युट अफ टेक्नोलोजी (क्युटेक) को सहकार्यमा जापानमा विद्यावारिधि गरिरहेका नेपाली बैज्ञानिकहरु आभास मास्के र इन्जिनियर हरिराम श्रेष्ठले निर्माण गरेको नेपालको भू-उपग्रह नेपाली समय अनुसार वैशाख ५ गते बिहीवार बिहान २:३१ बजे अमेरिकाको भर्जिनिया राज्यको वाल्लोस्प टापुस्थित प्रक्षेपण केन्द्रबाट अन्तर्राष्ट्रिय अन्तरिक्ष केन्द्र (आईएसएस) मा पठाइएको थियो ।
सो भू-उपग्रह ३६ घण्टा ४० मिनेटपछि वैशाख ६ गते नेपाली समयअनुसार दिउँसो ३ बजेर १३ मिनेट जाँदा अन्तर्राष्ट्रिय अन्तरिक्ष केन्द्रमा जोडिन सफल भएको नाष्टका प्रवक्ता डा. सुरेशकुमार ढुंगेलले जानकारी दिनुभयो । अबको करिव डेढ महिनापछि सो नेपाली भू-उपग्रहले अन्तरीक्षमा रही पृथ्वीको परिक्रमा गर्नुका साथै प्रतिष्ठानमा निर्माण गर्न लागिएको ग्राउन्ड स्टेशनमा समेत सम्पर्क स्थापित गर्नेछ ।
Like & Follow us on Facebook
नाष्टले सो नेपाली भू-उपग्रह अन्तरीक्षमा प्रक्षेपणका लागि करिव २ करोड रुपैयाँ लाग्ने अनुमान पनि गरेको छ । नाष्टका प्रवक्ता ढुंगेलले उक्त रकम अर्थ मन्त्रालयबाट प्राप्त भइसकेको पनि जानकारी दिनुभयो । विपद् व्यवस्थापन, ग्रामीण भेगमा सूचना प्रविधिको विकासका समेत उपयोगी हुने भएपछि नेपालले आफ्नै स्याटलाइट अन्तरिक्षमा पठाएको हो ।
