नीति अनुसार के कुरा व्यर्थ हो ?
१. वस्त्रविनाको गहना व्यर्थ हो, बोझ मात्र हो, वैरागी छैन भने ब्रह्म विचार व्यर्थ हो ।
२. विषय लंपट भएको मानिसले ब्रह्म विचारको चर्चा गर्नु समयको फगत खेर फाल्नु हो ।
३. रोगी शरीरको लागि भोग व्यर्थ हो त्यसले भोग गर्न सक्दैन ।
४. हरिभक्ति छैन भने जप योगादिभ्यास सिक्न जानु व्यर्थ छ ।
५. प्राण नै छैन भने सुन्दर शरीर वेकार हुन्छ र केही समय पश्चात् सडीगली गन्हाउन थाल्दछ ।
६. निर्लज्ज र अधर्म राजाबाट सुशासन तथा अमन-चयन सुख चाहनु अज्ञानताको उपज मात्र हो ।
* सुरेन्द्र प्रसाद सिग्देल लेखक हुनुहुन्छ । उहाँको पाण्डव-गीता पुस्तक प्रकाशित छ ।
