किसमिस खाँदा स्वास्थ्यमा हुने फाइदाहरु
किसमिस अंगुरलाई सुकाएर बनाईने खाद्य पदार्थ हो । अंगूरलाई घाममा सुकाएर अंगूरको रंग हल्का पहेंलो, हरियो वा त काला हुन दिनुपर्दछ । किसमिसमा भिटामिन र मिनरलहरू प्रशस्त हुन्छन् । किसमिसको स्वाद जति मिठो छ फाइदा पनि उत्तिकै छ । किसमिस मानिसको स्वास्थ्यका लागि एकदमै लाभकारी मानिने गर्दछ ।
टेस्टी ड्राई फ्रूट किसमिस धेरै मानिसलाई मन पर्ने गर्दछ अझ विशेष गरी यो बालबालिका माझ लोक प्रिय हुन्छ । खानाको स्वाद बढाउन यिनीहरूको प्रयोग हुन्छ । खीर, पुलौ, हलुवा जस्ता कुरा बनाउँदा माथिबाट किसमिस हालिन्छ । यहाँ हामी किसमिसले स्वास्थ्यमा पुर्याउने फाइदाहरुको बारेमा बताउँछौं ।
यो पनि पढ्नुहोस्
स्वास्थ्यको लागि आँप खानुका फाइदाहरु
तरकारीको रुपमा परवल खानुका फाइदाहरु
पिस्ता खाँदा स्वास्थ्यमा पुग्ने फाइदाहरु
फाइदाहरु
१. आँखा तेजिलो बनाउछ
किसमिसमा एन्टीअक्सिडेन्ट, भिटामिन ए, बिटा क्यारोटिनाइड पाइन्छ । जसले आँखा तेजिलो बनाउन मद्दत गर्छ ।
२. रगतको परिपूर्ति गर्छ
किसमिसमा प्रसस्त मात्रामा आइरन हुन्छ । यसको नियमित सेवन गर्नाले शरीरमा रगतको कमी हुनबाट बचाउँछ र एनिमिया रोग लाग्नबाट टाढा राख्छ ।
३. हड्डी बलियो बनाउछ
किसमिसमा बोरोन नामक माइक्रो न्यूट्रिएंट्स नामक तत्व हुन्छ । जसले हड्डी बलियो बनाउन मद्दत गर्छ ।
४. मुख स्वस्थ राख्छ
यसमा हुने ओलीनोलिक एसिडले मुखमा हुने ब्याक्टेरियालाई नष्ट गर्छ । किसमिसको नियमित सेवन गर्नाले मुख स्वस्थ हुन्छ र मुख सम्बन्धी बिभिन्न समस्याहरु हट्छ ।
Like & Follow us on Facebook
५. तौल बढाउछ
किसमिसमा फ्रक्टोज तथा ग्लुकोज पर्याप्त मात्रामा हुन्छ । यसको सेवनले शरीरमा शक्ति पैदा गर्नुका साथै तौल कम हुनेहरुका लागि तौल बढाउन मद्दत गर्छ ।
६. मुटु स्वस्थ राख्छ
किसमिसमा प्रशस्त मात्रामा फाइबर पाइन्छ । नियमति रुपमा यसको सेवन गर्नाले कोलेस्टेरोल कम गर्न मद्दत गर्छ र मुटु सम्बन्धी रोग लाग्न बाट बचाउँछ ।
७. एसिडिटी कम गराउछ
किसमिसमा म्याग्नेसियम तथा पोटासियम प्रशस्त मात्रामा पाइन्छ । यसले शरीरमा एसिडको मात्रा नियन्त्रण गर्न मद्दत गर्छ र एसिडिटी सम्बन्धी समस्याबाट टाढा राख्छ ।
