स्वास्थ्य

दाँत र मानव स्वास्थ्यको सम्वन्ध

डा. राम बहादुर बोहरा
डा. राम बहादुर बोहरा

भगवानले मानवको लागी अमुल्य रत्न दाँत दिनुभएको छ, यदि दाँत नभई दिएको भए खानाको स्वाद नै हुने थिएन । मानिसको सौन्दर्यमा सवैभन्दा राम्रो भुमिका दाँतले निभाएको देखिन्छ । यदि दाँत हुदैन भने मानिसको स्वरमा पनि अन्तर हुन थाल्दछ । यदि हामीले दाँतलाई राम्रो हेरचाह गर्दैनौं भने यसमा किरा लागेर दाँत सवै नष्ट हुन थाल्दछ । केहि चिकित्सकको मत यस्तो छ, मानिस पागल हुनुमा दाँतको पनि ठूलो हात छ । दाँत मस्तिष्कसँग जोडिएको हुन्छ ।

यदि हामीले दाँतको राम्रो ख्याल राखेनौं भने दाँतको विचमा अडकेको अन्न सड्न गई यसले दुर्गन्ध फैलाउन थाल्दछ । यही दुर्गन्धको कारण मानव मस्तिष्कमा नराम्रो असर हुनाले मानिस पागल हुन थाल्दछ । प्रात: उठ्ने वित्तिकै दाँतमा अगुलो लगेर नाकको नजिक लगेर सुग्नुहोस अति नै खराब खालको दुर्गन्ध हजुरले पाउनु हुनेछ । गहिरिएर सोच्नुहोस् यस्तो दुर्गन्धले मस्तिष्कमा कति असर गरेको होला । मानिस रोगी हुनुमा यसको ठूलो हात रहेको देखिन्छ ।

यो पनि पढ्नुहोस्  

दाँतको रोग र उपचार

बच्चाको दाँत किन र्झछ ?

अमिलो खाँदा दाँत किन कुडिन्छ ?

दाँतको बीचमा खाली ठाउँ हुने मानिसको स्वभाव

दाँत कसरी सुरक्षित गर्ने ?

दाँत किन झन्झनाउँछ ?

दाँत किराले कसरी खान्छ ?

यस्तो विष कहिलेकाही आमासयमा पुगेर मलिन रस पैदा गरेर रगतलाई समेत विकृति गराएर मानव स्वास्थ्य नै संकटमा पर्न थाल्दछ । अत: यस्तो कुरामा हामीले लापरबाही अपनाएमा के हुन सक्छ भन्ने कुरा हरेकले बुझ्न आवश्यक छ । दाँतको हेरचाह गर्नु मानिसको पहिलो कर्तव्य हुन आउछ । आज मार्केटमा अनेकौं क्यामिकल मिश्रण दन्तमन्जन आएको छ तर यसले दाँत माझ्दा दाँत टल्कन सक्छ र यसले दाँत बलियो हुन सक्छ भन्नु केवल भ्रम मात्र हो भन्ने हामीलाई लागेको छ ।

आज यो लेखमा हामीले दाँतलाई कसरी बलियो बनाउन र निरोग हुनुको साथै चम्किलो बनाउन के कस्तो प्रकारको दन्त मन्जन प्रयोग गर्ने भन्नेबारे प्रकाश पार्ने जमर्को गर्दैछौं । तर यो लेखमा दाँत के हो भन्नेबारे मात्र प्रकाश पार्नुपर्ने थियो तर यहाँ सबैको कल्याण होस् भन्ने हेतुले केहि फार्मुला दिएका छौं । प्रयोग गरेर अवश्य लाभ लिनु हुनेछ भन्ने हाम्रो परामर्श छ ।

दन्त मन्जन बनाउने तरिका

१. दन्त रोगमा फिड्करीको ठूलो भूमिका देखिन्छ ।आज मैले दन्तमनजन बनाउन फिड्करीको प्रयोग अन्य औषधि संग मिलाएर बनाउने तरिका सिकाउन गई रहेको छु ।

२. फिडकरीलाई भुट्नुहोस् र मसिनो गरी पिस्नुहोस् र बबुलको कोइला र कागजको पोलेको खरानी समभाग मिलाएर दाँत माझ्नाले दाँतबाट रगत बग्ने तुरुन्त बन्द हुन्छ ।

३. फिडकरी भष्ममा मकैको कोइला, गेरू र चकलाई राम्रोसंग मिलाएर ठूलो मुख भएको भाडामा सबैलाई मिलाएर राख्ने आवश्याकताको समयमा दिनमा २ पटक दाँत माझ्नाले दाँत चम्किलो र निरोगी बनाउन सर्बोत्तम छ ।

नोट : दाँतलाई दैनिक सफा गरिसकेपछि मनतातो पानीले धुन नभुल्नुहोला । यसो गर्दा फोहर-मैला चाडो निस्कने हुन्छ ।

Like & Follow us on Facebook

*डा. राम बहादुर बोहरा नेपाल वैकल्पिक चिकित्सा विकास परिषद नवलपरासीको अध्यक्ष, बरिष्ट आयुर्वेद डाक्टर तथा साइन्स इन्फोटेकका सल्लाहकार हुनुहुन्छ । 

कुमारवर्ती औषधालय

साइन्स इन्फोटेक

साइन्स इन्फोटेक अनलाईन पत्रिका हो ।

Leave a Reply

error: Content is protected !!