स्वास्थ्य जीवनको लागि कर्कलाको साग खानुका फाइदाहरु

October 2, 2019October 2, 2019 साइन्स इन्फोटेक

हरियो अन्य तरकारीमध्ये कर्कलाको साग पनि एक हो । हाम्रो भान्सामा प्राय: कर्कलो बढी पाक्ने गर्छ । यो साग लोकप्रिय नहुनुको प्रमुख कारण यसको फाइदाबारे कतिलाई थाहा नहुनाले हुन सक्छ । यो सागमा भिटामिन ए प्रशस्त पाइने भएकाले आँखालाई राम्रो फाइदा गर्दछ ।

कर्कलो लोकप्रिय नहुनुमा लोकयुक्ति कर्कलो खाँदा शरीर चिलाउछ । दाद र छालाको रोग भए बढाउछ भन्ने गलत सन्देश जानाले यो पछि परेको देखिएको छ । कर्कलोको सागको बारेमा थाहा नभएको शायदै कोहि होलान् तर पनि कर्कलोको साग भने हामीले आफ्नो नियमित भोजनमा त्यसलाई समावेश गर्दैनौँ । नगर्नुको ठोस कारण अघि भनि सकेको छु । कर्कलोको पात खानाले धेरै प्रकारका रोगबाट हामी बच्न सक्छौँ । कर्कलोको सागमा भिटमिन ए, बी, र सी, क्याल्शियम, प्रोटीन, पोटाशियम, आइरन, कार्बोहाइड्रेट र ऐन्टी-अक्सिडेन्ट भरपूर मात्रामा पाइन्छ ।

कर्कलोको पातमा भिटमिन ए आँखाको लागि फाइदाजनक हुन्छ । यसले आँखाको रोशनी बढ्छ र मांसपेशीहरु पनि बलियो हुन्छ । साथै भिटमिन सी ले अनुहारको चाउरीपना कम गर्नमा मद्दत गर्छ । क्याल्शियम हड्डिको निर्माण वा बलियो बनाउनमा महत्वपूर्ण भूमिका निर्वाह गर्छ ।

यदि तपाई कर्कलोको पात सेवन गर्नुहुन्छ भने त्यसले मोटोपन पनि नियन्त्रण गर्नमा मद्दत गर्छ किनकी कर्कलोको पातले भोक लाग्न दिदैँन । साथै यसमा पाइने फाइबरले मेटाबोलिज्मलाई पनि सक्रिय बनाउँछ जसले शरीरको तौल सँधै नियन्त्रणमा रहन्छ । साथै यसमा पाइने फाइबरले मेटाबोलिज्मलाई पनि सक्रिय बनाउँछ जसले शरीरको तौल सँधै नियन्त्रणमा रहन्छ । त्यति मात्र नभई कर्कलोको पातको सेवनले जोर्नीको दुखाईमा पनि राहत प्रदान गर्छ ।

हप्तामा एक पटक कर्कलो खानुस स्वस्थ रहनुस भन्ने हाम्रो राय छ । राम्रो खानाप्रति हाम्रो ध्यान पुग्न नसक्नुको फल हामी रोगी हुन थाल्दछौं । आज मानिस रोगी हुनुमा पौष्टिक खानाको अभाव प्रमुख देखिएको छ । कर्कलो जस्तै हरियो सागसब्जी नियमित सेवन गरौं निरोगी बनौं भन्ने हाम्रो राय छ ।