असलसाथ जीवनको देशलाई
असलसाथ जीवनको देशलाई
असल साथ मेरो यो जीवनमा तिमी नै मगमगायौ !
बिहानीको सूर्य यो धरामा परे झैँ नै जगमगायो !!
तिमी मनको साथ र छौ मायाँको पनि तिमी साथ !
तिमी मेरो हर स्वासमा छौ तिमी छौ निस्वास साथ १
यो मनमा तिमी त छँदै छौ हरपल मेरो यसरी !
वसन्तमा वनमा पालुवा पलाए नै पो छौ जसरी !!
यो मनको रहरमा पनि त तिमी रम्छौ साथ यसरी !
सागरले पानी भरेको छ आफ्नो छातीमा जसरी!!२
मनको अधरले पनि खोज्छ साथ तिम्रो यसरी!
आकासमा तारा जगमग भएर रमाए नै जसरी !!
यो मेरै जीवनमा तिमी आयौ है कसरी यसरी !
सायद त्यो सूर्यमा ज्योति छरियो कि त त्यसरी !!३
कति शव्दको खेती छर्नु यो मनको मेरो धरामा !
तिमी कोपिला बन्दै फूल्नु है मनको मेरो धरामा !!
तिमी हर जुनि सायदैनै मेरै पो साथ थियौ कि !
नत्र यसरी आयौ मेरो यो कसरी जीवनमा पनि ??४
कतै मनको मायाँ छ कतै यो बनको सितल छायाँ
कतै पालुवाको खेती फूलको कतै छ मोह मायाँ!
यस्तो बन र उपबनका फूलका कथा सुन्दर जस्तै
जीवनमा सत्कर्म चढाऔँ यो धरामा हामी यस्तै!!५
शोभा खतिवडा काफ्ले लेखक, साहित्यकार, सामाजिक अभियन्ता तथा श्री शान्ति विद्यागृह उच्च मा. वि. लैनचौर; काठमाण्डौकी शिक्षिका हुनुहुन्छ । उहाँका राष्ट्रिय भावनाले ओतप्रोत भएका उत्कृष्ठ रचनाहरुले सच्चा देशभक्त नेपालीको मन जितेका छन ।
