क्रान्ति गर्नेछु

आमा म क्रान्ति गर्नेछु

अब बन्दुक बोकेर होइन

कलम बोकेर क्रान्ति गर्नेछु

आमाको मुहारमा हाँसो ल्याउने छु

धेरै भयो आमाको आँखामा आँसु आइरहेको

रक्सी खाएर आमालाई पिट्नेहरुलाई

खबरदारी गर्नेछु हो म क्रान्ति गर्नेछु

गाउँ गाउँ डुल्नेछु हिड्नेछु आमालाई खुसी बनाउनेछु

तपाईंको स्नेह ममता निस्वार्थ माया

त्यसै त्यसै विलीन भएको छ माटोमा

यौवनका पिपासुहरु हो तिमीहरू सुन नामर्द लोग्नेहरु

तिमीहरूको अस्तित्व हराउँदै छ धर्तीमा

हो आमा म क्रान्ति गर्नेछु

तपाईंको भावना बुझ्नेछु

देश विकासतिर लाग्नेछु

भ्रष्टाचार बलात्कार अन्नाय अत्याचार माथि

बिरोध गर्छु खबरदारी गर्छु आन्दोलन गर्छु

कलमबाट

हो अब आमा म क्रान्ति गर्नेछु

मेरो दिव्यमा चेतनाको बीउ रोपेर

प्रेमको भाव जगाएँर मेरो आकाशमा उज्यालो बनाउने छु

मैले टेकेको धर्तीमा दियो जलाउने छु

आमा मलाई नरोक्नु होस्

अब छाडी दिनुहोस् आमा मलाई न रोक्नुहोस्

धर्तीमा नयाँ बिहानी हुन्छ सुर्य उदाउनेछ

हो तपाईंको छोरो अब क्रान्ति गर्ने भएको छ

तपाईंको मातृत्व मैले बुझेको छु

तपाईंको आँसुको मुल्य तिर्ने भएको छु

तपाईंको माया अपरम्पार छ

अनुपम छ

आमा तपाई अब दुखित नबन्नुहोस्

हो आमा बन्दुक बोकेर होइन

कलम बोकेर क्रान्ति गर्नेछु

हो आमा म क्रान्ति गर्नेछु