मानव स्वास्थ्यको लागि सोयाबीन खानुका फाइदाहरु

गोपाल भण्डारी July 29, 2019July 29, 2019 5 Comments डा. राम बहादुर बोहरा, सोयाबीन, स्वास्थ्य

सोयाबीनमा प्रशस्त प्रोटिन लगायत अन्य पोषक तत्व पाइन्छ । मलाई सोयाबीनको अचार मनपर्छ । आजको लेखमा सोयाबीनबाट के कस्ता रोगमा उपयोग गर्न सकिन्छ भन्नेबारे प्रकाश पार्नेछु । हाम्रा पुर्खाहरूले गाई भैसीको मल हालेर तरकारी उत्पादन गर्दथे यसरी उत्पादन गरेको तरकारी पौष्टिक हुनुको साथै स्वास्थ्यमा पनि राम्रो फाइदा गर्दथियो ।

आज तरकारीमा विषादी होस् वा जुनसुकै बालीमा विषादी नराखेको तरकारी भेटाउन गार्हो भएको छ । यो दु:खको कुरा हो । मानव स्वास्थ्य आज जोखिममा छ भन्दा खासै फरक छैन । आजकल मेडियाहरूले पलाष्टिकको चामल समेत बनाएर बजारमा आएको छ, होसियार भन्दा मन कस्तो कस्तो हुन्छ । आज पैसाका लागि कसैको पनि गला रेट्ने काम हुदैछ यो नितान्त गलत छ ।

सोयाबीनमा प्रोटीन, क्याल्शियम, फाइबर, भिटामिन ई, बी कमप्लेक्स, थाइमीन, रिबोफ्लेविन, एमिनो एसिड, सैपोनिन, साइटोस्टेरोल, फेनोलिक एसिड पाइने भएकाले समय समयमा सोयाबीनको तरकारी पनि खाने गर्नुस भन्ने हाम्रो आग्रह छ ।

सोयाबीनको अन्य प्रयोग

१. सोयाबीनमा आयरन प्रशस्त पाइने हुनाले पुरूषको तुलनामा महिलालाई धेरै फाइदा गर्दछ । यसको साहेताले एनिमिया र ऑस्टि्योपोरोसिसबाट समेत बचाउनेछ ।

२. सोयाबीनमा प्रशस्त क्यालसियम पाइने भएकाले हड्डी चाडो खिईएको निको बनाउन यसले ठूलो मद्धत गर्नेछ ।

३. ब्लड प्रेशरका रोगीलाई सोयाबीनको तरकारी नियमित सेवन गर्न सके निको हुन सक्ने बढ्न विज्ञहरूको राय छ ।

४. सुगरका रोगीलाई समेत राम्रो फाइदा गर्दछ ।

५. मृगौला सम्बन्धि रोग छ उनीहरुले सोयाबीन निकै कम मात्रामा खानुपर्छ ।

६. सोयाबीनमा एमिनो एसिडले हर्मोनलाई प्रभावित गर्दछ । सोयाबीन थाइराइडसँग जोडिएको थाइरोक्सिन हर्मोनलाई कम वा वृद्धि गर्छ । त्यसकारण थाइराइडका बिरामीले सोयाबीनबाट टाढै रहनुपर्छ ।

नोट : कुनै पनि बस्तु आवश्यक भन्दा बढी सेवन गरेमा नोक्सान गर्न सक्छ । यो सबैलाई थाहा भएको कुरा हो यसतर्फ सबैको ध्यान पुग्न जरूरी छ ।