स्वास्थ्यको लागि चना खानुका फाइदाहरु

July 27, 2019 साइन्स इन्फोटेक

मानव स्वास्थ्यमा चनाको महत्व ठूलो छ । चनाको नियमित सेवन गर्नाले स्वास्थ्यमा राम्रो भुमिका खेलेको देखिन थालेको छ । चनामा प्रशस्त फाइबर पाइने भएकाले पाचन शक्तिलाई बलियो बनाउन राम्रो भुमिका खेलेको हुन्छ । चना कालो र सेतो गरी दुई प्रकारको हुन्छ । सेतो भन्दा कालो चनालाई बढी प्रयोग गर्ने गरेको पाइन्छ । यो काचै वा पकाएर वा भुटेर खान सकिन्छ ।

फाइदाहरु

१. रातभर भिजाएको चनामा अदुवा, नुन र जिरा मिलाई बिहान खाने गर्नाले कब्जियतको समस्या क्रमशः कम हुँदै जान्छ ।

२. चना भिजाएको पानी खानु अझ लाभदायक हुन्छ । चनामा कार्बोहाइड्रेट, प्रोटिन, क्याल्सियम, म्याग्नेसियम लगायत तत्व प्रशस्त मात्रामा पाइन्छ । यी तत्वले शरीरलाई ऊर्जा प्रदान गर्छन् ।

३. सुगर नहोस भन्ने चाहना भएकाहरूले चनाको सेवन गर्नु धेरै राम्रो भनेको छ । नियमित चना खाने व्यक्तिलाई रगतमा चिनीको मात्रा बढ्न बाट रोक्ने काम गर्दछ।

४. रातभरी भिजाएको चनामा थोरै मह मिसाएर दिनहुँ खाने गर्नाले पत्थरीको समस्या देखापर्ने जोखिम कम हुन्छ । पत्थरीको समस्या देखा परिसकेको छ भने यसो गर्नाले स्टोन सजिलै निस्किने सम्भावना रहन्छ ।

५. नुहाउनुअघि चनाको बेसनमा दूध अथवा दही मिसाई पेस्ट बनाएर अनुहारमा लगाउने र १०-१५ मिनेटपछि चिसो पानीले पखालेर नुहाउने गर्नाले अनुहारमा रहेका डन्डीफोर लगायत दाग, दाद आदि हराएर जान्छन् ।

६. पिसाब आइरहने समस्या छ भने भुटेको चना दिनहुँ खाने गर्नुपर्छ ।